金田家 (已結業)

元朗本身有唔少食店，自從大型商場開幕，更加多左啲連鎖食肆進駐！亦令到更多人入元朗搵食，假日出元朗食飯就真係一位難求，每間餐廳外面都總有人龍一向最怕排隊，假日都盡量留响屋企！不過難得細細妺入來元朗，點都要陪下佢出去食lunch!今次揀左尼間拉麵店，主要係人唔算多，剛好又有枱，唔使等位天氣咁熱，飲杯士多啤梨乳酸梳打，真係透心涼！每人揀碗拉麵先，細細妺揀左魚介豚骨拉麵，佢話個湯底好濃有魚味，不過隻溏心蛋就麻麻地！男朋友就揀左豚骨mix拉麵，個湯底好複雜，豚骨湯mix雞湯，我試左個湯味道都唔錯，至於腩肉义燒同拉麵，佢話都ok啦！我就試左個柚子辛口拉麵，絕對唔算辛口，湯底有柚子嘅味道，黑豚义燒配普通軟硬度嘅拉麵，好啱我口味，我個人好喜歡另外叫左份海老餃子，一啖咬落去，外皮一面煎得香脆，之後又有種食緊蒸蝦餃嘅感覺，都幾特別