珍珠皇宮印度餐廳

營業中

休息中

心血來潮想食印度菜，上網見有人推介重慶大廈入面呢間「珍珠皇宮印度餐廳」。環境闊落舒適，以紅色為主調，裝潢充滿異國風情。南印度捲餅，捲餅以米漿+豆蓉製成，入口又薄又脆，好似食緊法式可麗餅咁，內有薯仔、洋蔥等餡料，點埋旁邊嘅醬汁食，微辣又帶少少酸甜，好味。蒜蓉蝦，蝦肉爽口彈牙，外層包住濃郁蒜香同香料香氣，食落有蝦肉嘅鮮甜，惹味又開胃。椰汁咖喱魚，魚塊滑嫩細緻，咬下啖啖肉，完全冇骨；咖喱汁順喉圓潤，辣味溫和，唔會太嗆，非常易入口。洋蔥烤餅，好有驚喜！裡面全是洋蔥粒，雖然有一定嘅厚度，但入口柔軟蓬鬆，蘸咖喱汁食，非常搭配。香蕉奶昔，質感滑順濃稠，充滿香蕉嘅天然甜味同優格嘅微酸清新，解膩又消暑。