347
10
1
| 餐廳: | 珍珠皇宮印度餐廳 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港鐵尖沙咀/尖東站 D1 出口, 港鐵尖沙咀/尖東站 L1 出口, 港鐵尖沙咀/尖東站 N5 出口
繼續閱讀
電話號碼
37065772
61740223
開飯介紹
餐廳位於重慶大廈內，主打正宗印度菜，包括當地特色烤餅、咖喱魚、印式串燒等，餐廳選用自印度的材料，由菜式，到飲料、甜點都非常有印度風情。
繼續閱讀
營業時間
今日營業
11:30 - 23:15
星期一至日
11:30 - 23:15
以上資料只供參考, 請與餐廳確認詳情
有關獎賞計劃
優惠
重慶大廈，相信一直都有唔少人覺得呢個地方好神秘。今日跟住朋友嚟到呢一個異國風情嘅地方，揭開佢嘅神秘面紗。不過喺揭開神秘面紗之前，都係要醫好咗個肚先嘅😂上去一樓，直行到尾轉左，有一間裝修幾靚嘅餐廳，睇佢都有中文餐牌，而且價錢唔貴，唔使諗😂開門坐低就係！一入到去播放緊一啲印度嘅歌曲，裝修都幾華麗，用上咗皮櫈，仲有兩間vip房。不過話就話vip房，原來係唔使加錢嘅😂🐔tandoori chicken印度燒雞，唔知你哋記憶中係咩味㗎呢？呢度嘅印度燒雞充滿香料而且有少少辣，用鐵板盛載，底下有洋蔥同埋椰菜絲，鍾意食印度嘢嘅一定唔好錯過！🐏Lamb Curry叫得咖哩羊腩本身都想嗌個飯，不過實在真係太大兜根本一半都食唔曬😂咖哩嘅香料味道好濃郁，我叫咗小辣唔會太辣，羊腩入口鬆軟唔會有太大嘅羊騷味，配搭naan食絕對係唔錯嘅選擇🌮keema naan普通嘅烤餅成日食，原來免治羊肉烤餅又係第二種風味，免治羊肉加上秘製嘅印度香料，同平時食嗰啲有啲分別，口感更加豐富多元化！🥤mango Lassi & masala tea如果話佢呢度嘅芒果奶昔好飲，不如話佢嘅芒果乳酪應該更加適合！呢度嘅乳酪係天然發酵，飲落酸酸甜甜唔會有太多嘅添加劑！印度嘅masala tea係小甜版本，有啲似我好耐之前喺油麻地食開嗰間印度菜杯茶！🍦番紅花杏仁雪糕一粒粒嘅形狀真係幾搞笑我都第一次食呢種形狀嘅雪糕，好好食下次會再叫！好有口感🫶唔知點形容，香香甜甜係我第一次接觸講咗咁耐，其實想同大家介紹一下重慶大廈真係有好多美食！都唔係啲人想像中咁得人驚其實呢度啲人好熱情！希望大家都可以多多支持香港小店 🫶
繼續閱讀
自從食過印度菜就心心念念好想再食，去開尖沙咀梗去重慶回味下🤘🏻餐廳唔太明顯亦都唔算難搵，行上一層係最角落，估唔到有唔少本地人幫襯😳🍴▸ 𝐃𝐚𝐡𝐢 𝐏𝐨𝐨𝐫𝐢 乳酪脆米球 $𝟕𝟖誠意推薦 一定要試😍脆米球係印度街頭美食之一 可咸可甜外層係脆口炸米餅內餡係液體狀乳酪+ 鷹嘴豆層次感好明顯 先脆後咬似飲乳酪一樣味酸微甜最底仲有少少咖喱香▸ 𝐏𝐚𝐥𝐚𝐤 𝐏𝐚𝐧𝐞𝐞𝐫 芝士菠菜 $𝟗𝟖同我想像中嘅唔同 質感似醬汁芝士係一粒粒正方形 近乎腐乳狀就咁食個醬會偏咸 加埋粒芝士食就Perfect🤌🏻配薄餅食會停唔到 配飯反而無咁夾▸ 𝐋𝐚𝐜𝐡𝐡𝐚 𝐏𝐚𝐫𝐚𝐧𝐭𝐡 千層牛油鬆餅$𝟑𝟓最簡單的口味 酥脆唔太乾同油膩🫓我地都覺得個餅配芝士菠菜夾過配咖喱▸ 𝐋𝐚𝐦𝐛 𝐌𝐚𝐬𝐚𝐥𝐚 瑪薩拉咖喱羊肉$𝟏𝟏𝟖總覺得食印度菜唔可以唔食羊為配合朋友只叫了小辣( ･᷄ὢ･᷅ )味濃郁不太咸 細味下有少少蕃茄酸羊肉份量唔少都幾大舊脂肪少肉質結實易咬朋友唔太接受到羶味但我覺得幾香▸ 𝐒𝐭𝐞𝐚𝐦𝐞𝐝 𝐑𝐢𝐜𝐞 印度白飯 $𝟑𝟓最後特意叫個飯 因為咖喱撈飯比點薄餅好食🍚長身米 口感食落似炒飯🍹 ▸ 𝐅𝐫𝐞𝐬𝐡 𝐋𝐢𝐦𝐞 𝐒𝐨𝐝𝐚 $𝟒𝟐一定要讚呢杯梳打！容我講句係我現時為止飲過最正嘅Lime Soda青檸味好～濃 好～重 飲到底冰都溶埋 個味都無變淡👍🏻▸ 𝐌𝐚𝐧𝐠𝐨 𝐋𝐚𝐬𝐬𝐢 $𝟒𝟐香濃芒果味 質感綿厚酸比甜味更出 正合我心意
繼續閱讀
位於重慶大廈一樓的印度餐廳,食物好地道, 菜式選擇多, 食過唔止一次, 每次都有驚喜, 唔怪得之連名星都嚟幫襯, 侍應有禮貌, 性價比極高, 值得推介-南印度捲餅 $78.0好大卷, 好震撼, 打卡一流, 一個好特別, 好有驚喜嘅餸菜, 外脆內軟,薄薄的捲餅, 內有咖哩葉、馬鈴薯，洋蔥等, 並且搭配印度酸辣醬以及酸扁豆燉菜湯食, 超好味.-瑪莎拉咖哩烤雞 (可選辣度) $118.00瑪莎拉咖哩是紅橘色的, 用大蒜，姜，印度辣椒以及洋葱作為底子, 再加番茄汁、鮮奶油、椰奶和各種不同的辛香料, 口味也相當重, 烤雞是用優格醃漬過, 香嫩多汁，肉味豐富，肉汁帶甜，口感柔嫩一D都唔鞋, 口感豐富, 層次分明-雞翼拼魷魚圈 $138.0雞翼皮脆肉嫩, 香脆惹味, 魷魚圈煙韌適中鮮甜, 炸得很乾身唔油膩,惹味小吃，現場即炸，入口超鬆化不死實，超正-原味烤餅 $25.0熱辣辣的烤餅外酥內軟、具彈性和張力, 口感較為紮實.越嚼越香的滋味；這是必點食物, 因為配咖哩是不可缺少的-芒果奶昔 $42.0味道香甜、口感细腻，一杯就上瘾
繼續閱讀
餐廳：珍珠皇宮印度餐廳地點：尖沙咀重慶大廈菜式：印度菜餐牌：頭盤，小食，湯，咖喱（主菜/素食），天多尼印度燒烤，飯類（印度米），意粉，印度烤餅，沙律，炒菜，乳酪，甜品，咖啡/茶等飲品。香烤羊排 $178 另加一香烤羊排一客4件，擺盤用心，用鐵板熱辣辣上枱，烤得燶面，較乾身不過唔會太韌，味道唔會太酥，少少辣，好香香料味。配有洋蔥圈，番茄，椰菜絲同檸檬。乳酪腰果汁燒雞柳 $128 另加一乳酪腰果汁燒雞柳都係用鐵板上枱，熱辣辣，出嗮煙。一客五件雞肉啖啖肉，完全無肥，面頭少少燶，配有洋蔥絲，椰菜絲同紅蘿蔔加檸檬角。另配綠色乳酪腰果醬汁，味道酸酸地，令雞肉更滑更好味。素菜拼盤 $45 另加一素菜拼盤顏色鮮豔，包括紫洋蔥，紅蘿蔔，番茄同青瓜，加上椰菜絲同檸檬角。食材全天然原味。瑪莎拉薄脆 $20 另加一瑪莎拉薄脆係超薄片面頭加有番茄粒，洋蔥粒同青瓜粒，面頭再灑上辣粉。開胃清新，味道香辣。印度番紅花杏仁雪糕 $58 另加一印度番紅花杏仁雪糕好特別，係切開一粒粒既，食落有少少似雪芭，似雲呢拿加杏仁味，食到杏仁片，再加上少少紅色印度番紅花醬，就無特別味道。芬達汽水 $25 另加一芬達汽水係罐裝，夠凍，跟埋紙飲管。今餐食物唔錯，餐廳好有印度風情，播放印度音樂，老闆都係印度人，識講純正廣東話。
繼續閱讀
重慶大廈呢間印度嘢好好食，聽咗好多年！不過都一直未有機會去試吓，突然之間好想食正宗嘅印度咖喱，於是呢晚就入咗重慶大廈嘅呢間餐廳試吓！第一次入重慶大廈，原來入邊比想像中闊落！行到樓梯附近，已經見到有餐廳嘅員工去到招呼定，帶客人上去，去到返工，感覺到呢間餐廳同其他呢度嘅餐廳唔同！呢間係特別有氣派同大，入到去嘅感覺都舒服！餐牌都好多選擇，好多都好想食，最後我哋揀咗兩款咖喱，一個係我哋一定會食印度嘢就食嘅牛油雞咖喱，另一個就係唔辣有蕃茄味既咖喱鮮蝦。然後再叫咗一份薄餅。另外我哋見到佢嗰個炸薯條好似好吸引，試試佢～飲品方面，當然要叫lassi，叫咗個玫瑰味嘅，非常好飲，係近來食過嘅印度嘢入邊最好飲而且份量超多！咖喱非常好味，牛油雞有少少辣，好惹味，蕃茄鮮蝦咖喱超級有驚喜！我第一次咖喱撈蝦食，估唔到係咁正，佢啲蝦仲要係超多同埋好彈牙，呢一種咖喱唔辣，食得非常舒服，真係好好味呀！好想再嚟食過。我哋叫咗一份薄餅，兩個人食嘅話好快食晒，所以我哋叫咗兩份！呢度嘅薄餅口感做得好好，甚至有啲似喺意大利食嘅Pizza，冇誇張，真係同出邊食嘅薄餅口感係唔同！好高質。呢個炸薯條都係勁正，第一次食咁樣嘅調味嘅炸薯條，個味道好熟面口，有啲似buffalo雞翼嗰隻醬！放落薯條度超級好味，係咁食，雖然有啲辣，但係都真係係咁食。最後埋單$500左右，食到超飽！感覺呢一餐其實三個人食都得！滿足的一餐。
繼續閱讀