114
4
0
餐廳: 珍珠皇宮印度餐廳
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

港鐵尖沙咀/尖東站 D1 出口, 港鐵尖沙咀/尖東站 L1 出口, 港鐵尖沙咀/尖東站 N5 出口 繼續閱讀
電話號碼
37065772
61740223
開飯介紹
餐廳位於重慶大廈內,主打正宗印度菜,包括當地特色烤餅、咖喱魚、印式串燒等,餐廳選用自印度的材料,由菜式,到飲料、甜點都非常有印度風情。 繼續閱讀
營業時間
今日營業
11:00 - 23:00
星期一至日
11:00 - 23:00
公眾假期
11:00 - 23:00
公眾假期前夕
11:00 - 23:00
付款方式
Visa Master AlipayHK 支付寶 現金 八達通 AE Apple Pay Google Pay 微信支付
其他資料
網上訂座
賞訂座積分
當面支付
以上資料只供參考, 請與餐廳確認詳情
有關獎賞計劃
食評 (137)
等級4 2022-06-25
40 瀏覽
越嚟越喜歡食印度菜,今日就去咗最多印度人嘅地方重慶大廈,一間人氣爆燈嘅印度菜館 [珍珠皇宮印度餐廳 ],呢度有咩咁巴閉,首先佢哋係喺香港咁多間印度餐廳當中獲得[2021 年度香港最佳咖喱餐廳 ]既獎項👏🏻👏🏻,印度籍廚師已經有37年經驗,水準一定能夠保持,所以點可以唔黎朝聖!餐廳裝修融入了好多印度人喜歡嘅紅色,一入到去你就會感覺到你真係嚟咗印度餐廳,好有feel ,另外想讚佢哋嘅服務,全部都係印度人,有一兩位識講廣東話,態度非常友善,為你推介什麼好食,會問你覺得啲嘢食好唔好食,叫你俾啲意見,服務一流👍🏻👍🏻🫓▪️脆脆烤餅每台都會贈送嘅餐前小食,烤脆餅就好似薯片一樣咁香脆,配上薄荷醬汁,味道幾得意🥠▪️咖喱角 $ 52咖喱角好大件,外層酥脆,餡料喺香滑既薯蓉和豆類,充滿大量濃厚既香料味,加上黑啡色酸酸甜甜類似黑醋既醬汁,好食🍤▪️蒜蓉蝦 $ 138超級驚喜嘅味道,蝦仁隻隻大大隻超級爽口彈牙,醬汁係用上牛油蒜蓉乳酪加香料混合而成,味道非常香濃牛油蒜蓉味,配上蝦仁,味道非常合拍,醬汁仲可以用來點烤餅,必食推介🐔▪️瑪莎咖喱烤雞 $ 118瑪莎咖喱是混合大量不同嘅印度香料製成的印度咖喱,質感比較濃調,這裏的辣到可以自由選擇,我點咗小辣已經辣勁十足,烤雞外皮帶點點焦香,肉質好滑,味道超級濃郁惹味,配任何烤餅或者印度米飯,都一樣咁好食🧄▪️蒜蓉烤餅 $ 28蒜蓉烤餅足足有三大塊,厚薄適中,超濃郁嘅蒜蓉牛油香味,就咁食已經非常好味,當然烤餅配咖喱是必須的🥞▪️馬來鬆餅 $ 35 每次食咖喱,澱粉質嘅烤餅之類都至少要點兩份唔同種類先至夠過癮,今次另外一份我哋揀咗馬來鬆餅,即是酥油餅,非常酥香,最鍾意用手慢慢撕出嚟點咖喱,正正🥭▪️Mango Lassi $ 38印度芒果乳酪奶昔,係我飲過當中最好飲嘅,奶味唔太重,但芒果味非常香濃,而且味道甜中帶微微酸,又開胃又解辣🫒▪️Fresh Lime Soda $ 38 新鮮青檸梳打,青檸汁好清香,而且唔太甜,酸微微好解渴🌟會再會訪的印度餐廳,非常正宗好啱口味,今次只係試咗好少嘢,下次多啲人一齊可以食多啲,另外好喜歡店主Jacky💛非常友善👍🏻👍🏻🌟 繼續閱讀
(以上食評乃用戶個人意見 , 並不代表OpenRice之觀點。)
等級4 2022-06-16
158 瀏覽
第一次入重慶大廈食嘢 比我想像中安全我哋一早book咗枱 喺重慶大廈門口就有員工帶我哋入去餐廳 唔使自己搵路😗環境都舒適 坐得舒服 唔會污糟餐牌中英對照 有埋圖片 唔驚睇唔明(◍˃̶ᗜ˂̶◍)全部嘢食都落重香料 適合重口味人士有機會我都會再去幫襯😽-🍕胡椒脆餅配薄荷醬 💰𝚏𝚛𝚎𝚎點菜之後送上 味道不錯 夠脆!-🦐蒜蓉蝦 💰$138一上菜已經香噴噴 超香蒜蓉味有8隻蝦 蝦爽口彈牙 好重蒜蓉味 好入味 正٩꒰ ˘ ³˘꒱۶~♡-🐓瑪莎拉咖喱烤雞 💰$118咖喱夠濃味 辣得嚟但又唔會嗆口辣度應該有調校過適合香港人口味~佢哋嘅咖喱係拎咗2021年度咖喱😆雞肉結實 都好入味👍🏿-🧇馬來鬆餅 💰$35食咖哩必配嘅鬆餅(⁎⁍̴̛ᴗ⁍̴̛⁎)即點即製 夠新鮮同熱辣辣 而且夠鬆化😽-🍗雞翼(6件) 💰$78幾惹味 唔識講佢佢用咗啲咩醬料去整😹味道甜甜辣辣 但一個人食三隻就有少少膩-🍓士多啤梨奶昔 💰$38原本驚好重藥水味或者陣味好假 但唔會 都有淡淡士多啤梨味佢唔係好杰嗰種奶昔 比較稀但都幾好飲的!-🧋印度凍奶茶 💰$30奶味比平時重 加上佢用嘅茶葉唔同啲 茶味較淡 繼續閱讀
(以上食評乃用戶個人意見 , 並不代表OpenRice之觀點。)
小編第一次去重慶大廈‼️就係去食印度菜😝餐廳喺2樓 沿途都好多南亞裔人走廊位置好焗 反而餐廳環境令小編眼前一亮😍裝修同埋環境唔會好污糟 Error肥仔仲幫襯過👍🏻好似有多少少信心保證?🤣🤣📍乳酪脆米球($76)呢個係小食 但佢嘅飽肚感令小編覺得係主菜🤣一粒粒米球有個好脆既外殻包住入面就係大量重味乳酪+番石榴籽 酸酸甜甜💋其實成個口感都幾特別 小編比較少接觸但係食咗兩舊已經好膩 乳酪相對比較杰所以小編好快放棄最後係有食剩🥲📍咖喱蝦球 ($138)呢個咖喱係有少少印度風味🇮🇳但又唔算好辣☺️咖喱比較稀 唔算濃味😀蝦相對有驚喜 分量多肉質仲好彈牙薄餅加蝦球再加咖喱係幾好食😋📍牛油烤雞 ($108)呢個真係食印度菜必食主菜🧫濃味之選💋點薄餅真心一流~如果點薄餅嘅話小編覺得呢個汁比咖喱更好因為汁嘅味道更加突出🤘🏻而且烤雞好嫩口又無骨又juicy🤤呢個餸嘅真係冇得輸 大家記得一定要食‼️📍蒜蓉烤餅 ($28)識食一定叫蒜蓉烤餅~蒜蓉味好重好重👅 Total有三大塊每次食都撕少少點咖喱🍛 好香小編仲試過就咁食其實都好夠味 唔會好乾📍牛油鬆餅 ($30)呢個真係第一次食🤣小編以為係KFC鬆餅嘅朋友點知原來都屬於薄餅類而且佢嘅紋路好搞笑 中間有好多個圓形唔同面頭有一層牛油🧈 好香食落比較乾身 口感同薄餅冇分別😛—————————————————————味道😋:8/10抵食🥳:8/10環境🥂:8/10 繼續閱讀
(以上食評乃用戶個人意見 , 並不代表OpenRice之觀點。)
等級4 2022-05-17
288 瀏覽
食唔食一間餐廳,有啲人就睇餐廳門口貼咗啲咩而決定,有啲人就睇有冇偶像文宣難得有間印度餐廳黐咗Error Poster喺門口,連印度人都撐香港男團,太神奇喇事關Error都嚟食過,肥仔好鍾意食。有咩咁犀利?只食一粒脆米球,已經知佢咩料倒啲酸酸地又甜甜地又辣辣地嘅液體,入去炸到脆卜卜有啲餡料嘅米球,又脆又fresh咁爆汁,同Error一樣咁衝擊同樣係炸米球,不過乳酪版嘅感覺就截然不同,豐富嘅乳酪覆蓋住炸米球,趁新鮮食又正,浸到腍腍地食又好正印度薄餅千變萬化,唔只得roti㗎,仲有叫Dosa嘅大捲餅,原來係南印度食品,係用米漿加豆蓉製成特別在內有薯仔同洋蔥等嘅餡料,外有三種醬任你點,其實都幾飽肚充實印度烤肉樣樣都好味,唔想揀就嚟個拼盤,有印度燒雞、免治羊肉卷、烤魚塊同乳酪腰果汁燒雞四種肉,件件都香濃惹味,鑊氣十足呢間嘅咖喱攞過「2021年度咖喱」美譽,其中印度招牌就有瑪莎拉咖喱,濃濃香料調味同乳香,配飯配naan一定樣樣清,裡面有印度芝士,反而清清地似豆腐,咁嘅配搭好夾嚟食印度嘢,naan一定走唔甩,蒜蓉味令佢生色不少,同瑪莎拉係最佳拍檔嘢飲除咗拉茶,食大餐一定係飲Lassi,就咁飲會好甜,食住嘢咁飲,你就會好快想飲多杯玫瑰味第一次飲,估唔到乳酪味好出,好好飲呀嚟重慶大廈食飯,大胃都係第一次,未入重慶門口,已經有好多朋友嚟拉客,其中有位哥哥攞住寫明「珍珠皇宮印度餐廳」嘅leaflet俾我地睇,是是正正咁,同埋喺1樓啫,就跟佢上去,冇中伏之餘,服務態度又誠懇,食得安心 繼續閱讀
(以上食評乃用戶個人意見 , 並不代表OpenRice之觀點。)
等級4 2022-03-25
195 瀏覽
今日終於去咗期望而久重慶大廈食嘢,重慶大廈比我嘅感覺一直都好神秘,經過門口就一大班人拉住你,叫你入去食嘢。今次同埋一班friend入去,所以都安心啲,認真同佢哋傾偈之後,其實佢哋都幾好人嫁!🌈Paani Poori 印度脆米球 $68呢個成日都係睇印度街頭小食片會介紹嘅,個個人都話超級難食,佢啲水係又酸又臭嘅~但其實實物完全唔係嗰回事!成碟嘅總共8粒,每粒都塞滿左薯蓉,肉碎,仲有少少洋蔥?其實撈埋真係唔知自己食緊咩,淨係食到薯蓉味😆你要將綠色嘅汁,倒入個球度,在一啖拍曬粒野食。綠色嘅汁係酸酸辣辣,好似tabasco咁!所以其實整體都幾好食🌈Butter Chicken $108佢唔似出面嗰啲日本/其他國家嘅咖喱,食落係好獨特嘅印度咖喱味,Feel到有好多香料!好複雜嘅味道,但都係好食嘅‼️裏面嘅雞肉都唔少,係佢烤過先再放入去嘅,所以好好食好香🌈蒜蓉烤餅 $28 / 印度芝士餡餅 $40蒜蓉烤餅見到面頭掃咗一層蒜蓉牛油,食落勁香口,點埋咖喱就perfect好好食!同行朋友都好想瘋狂encore芝士餡餅就冇咩特別,可能咖喱味太重,根本唔太食得出芝士嘅味道!所以建議叫返普通嘅烤餅就可以啦值得一提嘅係,記得唔好飲餐廳俾你嘅水,勁大浸水喉水味!好似漱口唔小心吞咗啖水咁🤢 繼續閱讀
(以上食評乃用戶個人意見 , 並不代表OpenRice之觀點。)