影片
更多
2018-01-04
239 瀏覽
如閣下喜愛重口味路線，偏好咸，香口炸野的話，呢間 "老闆娘米線" 一定係你嘅勁歌推介喔！由於而家係冬天關係，所以 "老闆娘米線" 營業時間如常 (因為夏天黎佢地開 17:00 架)，今日我地 "餓底集團" 一行 3 人慕名而來，我地大概 12 點 4 個字到，剛剛開門已經排緊人龍，我心諗 : "真係咁堅 ?" 等左差別多半個鐘左右我地就被安排入座。我地分別嗌左 3 碗米線 : 麻辣 + 麻酸辣 + 酸辣，平均一碗 42 蚊起跳 (記住每碗係一款餸，加餸每款另加 10 蚊) ，我地每人嗌左 3 餸 "些牙"，咁一定會嗌嘅係豬潤，仲有佢地個招牌炸雞球，反斗蝦膠豆卜同埋魚肉腐皮卷！我個朋友就點左鹵水豬肚同豬粉腸。碗野黎到第一眼望落係偏油嘅，成碗米線嘅份量係大同多嘅 (與其他品牌嘅米線相比較) 我自己嗌左麻酸辣湯 "中辣"，第一啖試個湯，首先係食到麻先嘅，之後就覺得偏咸同有少少辣，米線幼身彈牙嘅，唔錯，豬潤厚切食落好嫩，幾好味，我試我朋友嘅鹵水豬肚同豬粉腸都好好味，炆到入哂味又夠冧，正！但個招牌炸雞球同魚肉腐皮卷就真心失望，雞球係外脆內嫩，但好好好咸，坐我地隔離嘅食客都不約而同嗌咸，咸到想大啖
由於而家係冬天關係，所以 "老闆娘米線" 營業時間如常 (因為夏天黎佢地開 17:00 架)，今日我地 "餓底集團" 一行 3 人慕名而來，我地大概 12 點 4 個字到，剛剛開門已經排緊人龍，我心諗 : "真係咁堅 ?" 等左差別多半個鐘左右我地就被安排入座。
我地分別嗌左 3 碗米線 : 麻辣 + 麻酸辣 + 酸辣，平均一碗 42 蚊起跳 (記住每碗係一款餸，加餸每款另加 10 蚊) ，我地每人嗌左 3 餸 "些牙"，咁一定會嗌嘅係豬潤，仲有佢地個招牌炸雞球，反斗蝦膠豆卜同埋魚肉腐皮卷！我個朋友就點左鹵水豬肚同豬粉腸。
碗野黎到第一眼望落係偏油嘅，成碗米線嘅份量係大同多嘅 (與其他品牌嘅米線相比較) 我自己嗌左麻酸辣湯 "中辣"，第一啖試個湯，首先係食到麻先嘅，之後就覺得偏咸同有少少辣，米線幼身彈牙嘅，唔錯，豬潤厚切食落好嫩，幾好味，我試我朋友嘅鹵水豬肚同豬粉腸都好好味，炆到入哂味又夠冧，正！
但個招牌炸雞球同魚肉腐皮卷就真心失望，雞球係外脆內嫩，但好好好咸，坐我地隔離嘅食客都不約而同嗌咸，咸到想大啖大啖啪一罐可樂囉！至於魚肉腐皮卷，啲魚肉好似未熟透咁又無咬口啊，唔掂！
之後再繼續食米線，後尾碗野越食越咸啊…
總結 : 如果唔駛排隊嘅話，有機會 或者 有可能再黎，但以 62 蚊一碗米線黎講，
係荃灣區 雄記 或 景霖 會食得更好更豐富囉！
鹵水
$50
16 瀏覽
0 讚好
0 留言
張貼
