醉胡爐 (已搬遷) 新店位置

驚喜大發現，開心share!醉胡爐的招牌湯底：火焰龍蝦海鮮鍋，龍蝦超級新鮮！煲出的湯底極鮮甜！估唔到打邊爐都有咁高質的龍蝦食！混醬完畢，龍蝦海鮮煲上枱，龍蝦鉗，蜆，蕃茄...用料豐富。店員幫手料理隻煲，服務態度很好。首先爆炒香個煲，令到海鮮出味。跟住加酒，點火，即刻噴出火陷，用大火繼續爆香食材，濃濃的酒香，撲鼻而來！燒左1-2分鐘，再蓋返個鍋蓋，加湯繼續煲，偷偷打開蓋，湯未滾，趁未有熱蒸汽先影張相。店員提示湯滾之後記得飲頭啖湯，我地試左一啖，勁鲜甜，龍蝦味好出，即刻飲多兩啖。店員又來加湯，加完蓋返蓋，再繼續煲。系呢個時候，order左即食材來左。我地要先食晒龍蝦。龍蝦肉質鮮甜，酒炒左之後勁惹味，用料新鮮，肉好厚實，絕對超值，甚至比出面其他食肆龍蝦更高質，火鍋店釆用咁高質的食材，真的好難得。黑松露蟹肉餃，擺盤不馬虎。半份有四件。落鍋煮一下有得食，為防止煮到爆開，要用鐵梗單獨煮。濃濃黑松露味，蟹肉好冧。墨汁墨魚丸：口感爽脆又彈牙，墨魚味好濃。手工魚皮餃：手工制作果然特別好味，外型精緻，餡飽滿，皮脆口。