影片
更多
2020-11-30
36 瀏覽
星期日嘅下午嚟食，比想像中少人，我諗疫情都有少少影響!! 酸菜白肉鍋，裏面嘅材料非常多，食完個鍋我覺得都有七八成飽，有大量五花豬肉、粟米、冬菇、大蔥、蕃茄、寬薯粉等等...成個鍋都酸酸地幾開胃!! 魚皮餃拼梅菜丸，擺盤幾有趣，每樣各有四粒，呢款魚皮餃幾好食，個皮煙煙韌韌，梅菜丸係第一次食， 好食到梅菜嘅香味!! 羊肉片，望落已經覺得幾靚，羊肉片有少少 羊騷嘅味道，每片有少少脂肪食落一啲都唔韌，啱晒冬天食!! 另外叫咗臭豆腐呢個小食，店員有提醒要趁熱食，因為凍咗會硬晒，臭豆腐炸得幾鬆脆，點甜醬食一流，但我怕太熱氣只食咗一舊!! 飲品就點咗烏梅汁同冬瓜茶，清熱又消滯!!
張貼
