影片
更多
2022-08-27
107 瀏覽
餐廳位於加拿分道瑞生酒店內，裝修好新淨，環境雅緻，座位寬敞，暫時人流唔多，坐得好舒服，又可以慢慢傾偈，服務都很周到。留意到呢度仲有幾間VIP房，隔音又做得幾好，好啱一大班人聚會。松茸雞翅冬瓜魚鍋（$368）黎呢度一定係因為澎湃嘅湯底，真係好大好大鍋！非常足料都對得住個價位，中間有一大份冬瓜，上面依次放左半隻雞、素翅和4粒鮮冬菇，湯底仲有松茸、雜菇、豬肉粒等，都幾適合人多打邊爐！湯底煲滾後，店員幫忙將冬瓜切件，再煲多陣就可以飲啖湯先，因為本身仲用左魚湯底，入口味道濃郁偏重！牛胸爽 （$138）因為個湯底已經有半隻雞好多肉，所以我們點了一份牛胸爽，係牛胸口肋骨內筋膜類肌肉既軟組織，薄切食落十分爽口，質感似珊瑚蚌又有少少似雞軟骨般脆身。手打鹹蛋黃蝦丸（$52半份）呢度都有唔同嘅手工丸，半份有4粒，呢個細細粒嘅蝦丸入面包住流沙咸蛋黃，幾得意。竹笙帶子香菇餃（$68/半份）半份一樣有4粒，睇得出係手包嘅！入面真係食到粒粒竹笙和帶子。鮮蝦雲吞（$48/半份）蝦粒都係大大粒嘅，真材實料。個皮摺位有d厚要滾耐d. 雜菜拼盤（$88）有皇帝菜、學斗、生菜、紹菜、蕃茄、粟米，種類都幾多，全部都幾新鮮，粟米
餐廳位於加拿分道瑞生酒店內，裝修好新淨，環境雅緻，座位寬敞，
暫時人流唔多，坐得好舒服，又可以慢慢傾偈，
服務都很周到。
留意到呢度仲有幾間VIP房，
隔音又做得幾好，好啱一大班人聚會。
松茸雞翅冬瓜魚鍋（$368）
黎呢度一定係因為澎湃嘅湯底，
真係好大好大鍋！非常足料都對得住個價位，
中間有一大份冬瓜，上面依次放左半隻雞、素翅和4粒鮮冬菇，
湯底仲有松茸、雜菇、豬肉粒等，
都幾適合人多打邊爐！
湯底煲滾後，店員幫忙將冬瓜切件，
再煲多陣就可以飲啖湯先，
因為本身仲用左魚湯底，入口味道濃郁偏重！
牛胸爽 （$138）
因為個湯底已經有半隻雞好多肉，
所以我們點了一份牛胸爽，
係牛胸口肋骨內筋膜類肌肉既軟組織，
薄切食落十分爽口，
質感似珊瑚蚌又有少少似雞軟骨般脆身。
手打鹹蛋黃蝦丸（$52半份）
呢度都有唔同嘅手工丸，
半份有4粒，
呢個細細粒嘅蝦丸入面包住流沙咸蛋黃，幾得意。
竹笙帶子香菇餃（$68/半份）
半份一樣有4粒，睇得出係手包嘅！
入面真係食到粒粒竹笙和帶子。
鮮蝦雲吞（$48/半份）
蝦粒都係大大粒嘅，真材實料。個皮摺位有d厚要滾耐d.
雜菜拼盤（$88）
有皇帝菜、學斗、生菜、紹菜、蕃茄、粟米，
種類都幾多，全部都幾新鮮，
粟米好爽口，蕃茄又好甜，
我幾鍾意呢個蔬菜拼盤！
醬料盤
張貼
