小辣椒 (已改名) 查看

去完東區醫院探望親友再搭車落北角，時間不知不覺溜走，最老實、最準時嘅莫過於設有內置自動警報系統嘅肚子了。我同老公都覺得已經成九點費事周圍行，於是就點指兵兵入咗呢間食店嘞！一坐低，就見到佢啲玻璃枱面下面全部都係裱晒報導佢嘅報紙，咦，好似幾出名喎，咁就要認真試清楚啦！不過見到佢全紅色裝修，全紅色菜牌，我驚好辣，穩陣啲，我哋就叫咗以下嘅菜式： 皮蛋豆腐：皮蛋唔靚，豆腐硬，皮蛋還皮蛋同豆腐零交流，乾身冇汁！我見到個菜名記得九龍城間一品香做得幾好味，可惜已經摺咗！情意結之下叫咗呢碟咁就賴嘢嘞！ 涼拌海蜇豬肚絲：未「晾」乾水，啲麻油俾水溝稀咗，一啲麻辣味都FEEL唔到，毫無味道可言！兩大主角海蜇太稔身唔夠爽，豬肚還可以！ 鐵板豬什 ：竟然有我哋上親大陸都搵嚟食嘅菜，二話不說即叫！個鐵板唔夠紅，未夠惹味，不過料足，真係有啲似喺大陸食緊咁，最正係佢嘞！ 四川擔擔麪：每次見到擔擔麪，好習慣叫嚟試吓好唔好得過荃灣肥佬嗰間，再一次賴嘢！麪身有點硬，未煮夠身，有好大陣花生醬味，都有蔥粒同花生粒，味道一般，唔可以算好！ 十隻餃子，ＯＫ啦，冇特別，不過點嗰個醋仲好味喎，主角變咗啲醋囉最後！有機會都會再嚟試，因為今