米走雞 (昭德大廈) (已結業)

明明一心諗住今晚清清地食沙律減下肥架嘛，點知被引誘下，去左試芝士雞煲，嘩，邪惡到震呀！呢間除了食芝士雞煲外, 仲有麻辣雞煲任君選擇. 不過話晒黎到係想試芝煲, 當然叫芝煲啦~~等左一陣, 好快上檯! 嘩!!!真係好芝士呀!! 煲內入面有三分一煲既洋葱在底墊住芝士雞!雞上也有好多蒜頭在面.職員教我地 "唔好"攪勻黎食, 一件件咁夾黎食就最濃味喎!! 每件雞都充滿芝士溶~~ 嘩, 味道真係好濃味呀, 雞件亦好嫰滑, 咁樣食雞煲法, 真係好特別.我地一件一件咁食, 差唔多食晒後, 就請職員為我地加湯, 再打邊邊喇~~湯既色澤仍然好芝士~~但當然味道都變淡了.放湯後, 叫左幾款食品黎打邊爐, 食材都幾新鮮, 包括以下幾款:肥牛蜂巢豆腐響鈴, 生菜竹苼釀墨魚膠 (個樣肥嘟嘟, 熟左好似條蟲咁, 好攪笑)不過好好味, 外層竹笙好爽口, 入面既墨魚膠好彈牙~~鮮蝦雲吞最後大家都話一定要叫個公仔麵黎食喎~人地已經係芝士湯底啦, 我地仲要額外叫多兩塊芝士黎煮麵, 不得了!嘩, 食完呢餐真係好有罪惡感呀!!之後要努力做運動先得喇!!