340
39
11
長沙灣地鐵站C2出口 繼續閱讀
開飯介紹
米走雞同樣是雞煲店,但雞煲並不麻辣,以黃金芝士雞煲作招徠,每件雞都沾滿了濃濃芝士,完成後可加豬骨湯轉為打邊爐。 繼續閱讀
付款方式
AlipayHK 支付寶 現金
座位數目
50
其他資料
支持防疫 詳細介紹
酒精飲品
電話訂座
外賣服務
加一服務費
當面支付
食評 (406)
等級4 2020-03-29
456 瀏覽
武漢肺炎疫情嚴重的狀況下, 相約朋友吃飯變得愈來愈困難. 這個時候挑的餐廳比平常更要講究, 除了食物質素外, 會想光顧有注重衛生清潔的食肆. 疫情下受影響較嚴重的必然是打邊爐相關的食肆, 這裡更平常的顧客要少, 但看到店員有做相應消毒措施加上顧客少的緣故, 感覺比其他食肆更加安全, 衛生. 店裡有擺放酒精消毒液供清潔雙手, 另外入座後主動送上厚身紙巾用作保護口罩. 調味配料齊全. 這次來米走雞, 朋友指定要點未試過的黃金芝士雞煲. 雞肉與麻辣雞煲同樣厚肉且大塊, 雞煲加熱後芝士溶化, 濃香的芝士與雞味十分配合.  2人竟將整煲芝士雞吃光而不膩. 吃過芝士雞煲後, 朋友建議點較清淡的湯底打邊爐, 看到皮蛋芫茜湯價格不貴便點來試試. 上桌的皮蛋芫茜湯頗為清甜, 正好用作湯底. 這次看到哈哈蝦中寶可點半份, 正好作2人份量. 最愛這道因為原隻蝦肉配上蝦膠加蟹子質感比蝦膠更加彈牙好吃. 韭菜餃正好也可以點半份, 朋友不吃韭菜正適合我一人獨享. 裡頭韭菜新鮮又香口. 牛坑腩配清淡的皮蛋芫茜湯相信是不錯的選擇. 牛坑腩上桌前已煮熟一半, 牛坑腩既厚肉好吃牛味又濃郁. 鴨血是新配料, 質素可以. 油麥菜配上皮蛋芫茜湯正合適, 鮮甜爽脆. 價格相宜, 加起來每人大約$300, 絕對吃得捧腹而回, 希望餐廳順利渡過疫情, 日後再來光顧.  繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-16
232 瀏覽
真係足足一個月無出街晚飯🤦‍♀️簡直史無前例未試過!今晚終於出關,我地揀左長沙灣呢間米走雞,食過幾次,水準有保証,招牌芝士雞煲更加係必試食過返唔到轉頭火鍋配料選擇豐富,最鐘意佢有半份選擇,兩個人都可以叫多d款黃金芝士雞煲水準保持一貫的高,芝士口感幼滑,味道濃厚,係濃而不膩果隻,食曬成煲都唔會覺得漏雞肉大大件、啖啖肉,肉質非常嫩滑半份鮮炸響鈴雖然當晚客人唔算多,但我地點果幾款配料都依然保持新鮮即炸響鈴非常鬆化,吸埋芝士湯汁,真係不得了五香鮮牛肉新鮮,份量很多,底墊一塊生菜,成球都真係肉黎肉質嫩滑,無筋!手打五寶丸一碟可以試足五款口感結實彈牙真材實料,蝦丸入面真係有蝦鯪魚釀豆卜芝士湯底加個出前一丁酸梅湯夠大樽,而且好夠味,甜度適中飲左好多杯都唔會惹痰呢餐質素好滿意另外值得一讚,餐廳好注重衛生,比我地既杯同碗會用滾水碌過,亦有酒精搓手液提供比食客使用 繼續閱讀
(以上食評乃用戶個人意見 , 並不代表OpenRice之觀點。)
等級4 2020-03-02
147 瀏覽
繼冬天食過芝士火鍋,好耐冇食過🧀🧀🧀🧀今晚出開長沙灣,梗係要試下呢到最出名既首創芝士雞煲啦🤩🤩對上一次食已經係幾年前,今次再黎已經係新裝修,但最緊要有芝士雞煲食就得啦,黃金芝士雞煲有2款,配料有洋蔥,中芹,芫荽,乾蔥,另外芝士碎可以自己選擇,芝士碎可選沒有,少量,普通,激量,我呢個芝士迷就揀左小雞煲配激量芝士。一滾起已經有勁大陣芝香,香味令到我好想打開蓋偷瞄一下,卻被店員馬上過來阻止叫我要煲多一陣先可以開蓋,原來佢地一直細心留意著幾時食係最好味呢😋😋一打開蓋就見到芝士山咁,店員話開始食果陣唔好撈埋,咁樣芝味係最濃既,另一驚喜,原來入面既雞全部都係雞肶肉黎嫁😍啖啖肉好正,食哂之後就可以加湯打邊爐,湯底可以選擇清湯或芝士湯,既然選擇了激量的芝士碎,就不要太過分吧,來一口清湯中和一下。食完個芝士雞煲都有啲飽,所以只係叫咗少少嘢食嚟打邊爐,手切新鮮牛頸脊 大 $318 小 $208,揀左小既,鮮炸響鈴 全份 $52 半份 $28,揀左半份,辛辣麵$18,王老吉$14牛頸脊油脂分佈好靚仔,輕輕滾一滾已經好好味,牛味重,都不用點醬汁,同埋明顯係新鮮牛,因為放左一陣都唔會變色。響鈴亦係鮮炸的,放入水入面唔會即刻好似溶左咁,可以半脆咁食,不錯,最後加埋個麵底,吸收哂芝士精華,勁重口味既邪惡芝士麵作結。 繼續閱讀
(以上食評乃用戶個人意見 , 並不代表OpenRice之觀點。)
今日嚟到長沙灣,因為阿妹話想食嗰間雞煲,所以我哋晚飯時間就去咗食。我哋一坐低就嗌左黃金芝士雞煲,因為我哋四個人但有一個人話飽飽地,所以嗌左細嘅份量。其實我之前喺太子嘅米走雞都試過一次,嗰陣時食嘅雞煲我覺得係好一般嘅。但係今次,我覺得呢個黃金芝士雞煲係真係好有芝士味,雞都好入味嘅,所以我覺得係幾好食。但之後就出事了。首先食完雞煲之後,店員會問你加芝士湯定係清湯,咁我哋就揀咗芝士湯。而店員幫我哋到芝士湯嘅時候,個色睇落都好濃好有芝士味。之後啲配料都上菜,其實睇落都幾靚嘅。但係一六就出事了!個湯係一啲味都冇,好似水咁,我都唔知佢嘅芝士湯究竟係攞咩撈出來,可以得個色但係完全無味。就算我哋淥完牛肉,諗住有啲肉汁嘅味道會好啲,但係完全幫唔到個湯底。佢個響鈴唔係嗰啲包裝響鈴嘅,但係因為湯底完全冇味嘅關係,佢掛啲汁都係無味,我覺得完全係曬咗佢。佢個火鍋同用水打係冇分別嘅。但係因為個雞煲幾好食,所以覺得兩樣撈返埋我都唔會俾劣評嘅,但係希望店家可以改善一下湯底嘅味道。如果佢冇改善嘅話,我建議大家去到,直接買大嘅芝士雞煲食,食完就走得了。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-04-21
26 瀏覽
電話響起,舊同事傳來聲音,今晚食飯呀............這樣便食啦。由同事介紹,雞煲最出名,奈何一點辣也未能嘗的的,試一口後,辣味好食,可惜我不行,加叫一個芝士雞煲,爽呀!芝士雞🐔🐔煲啖啖芝士🧀🧀,筷子🥢夾起芝士絲個個見到嘩嘩聲,口感juicy,雞肉嫩滑,吃了半鍋也不濟。wasabi墨丸咬入爆醬,入口要小心,墨丸彈牙配上wasabi汁,沒有搶味,獨特的丸。丸同餃類可拼,岩晒各有不同需要。重頭戲是碟牛🐮🐮,輕輕一淥便轉色,厚薄合宜,入口有咬口。響玲是附送的,自家整,每條夠大夠長,最重要係夠脆,放入湯內即起,味道更佳😋😋😋最後,吃雞後加湯有很多選擇,芝士、辣、清湯樣樣有。 繼續閱讀
(以上食評乃用戶個人意見 , 並不代表OpenRice之觀點。)