德豐打冷粉麵餐廳

營業中

休息中

茶記開到成行成市，間間都話自己係老字號，但食物既質素真係良莠不齊！唉要搵到間入得口，又抗通脹既真係少知有少！依間係其中一間幾十年歷史既茶記，我記得好耐之前食過，但唔太記得食過咩啦！今日又黎到附近工作，見佢仲有下午茶咁抵，就一於試下。個餐牌就好似無咩點變，都係咁大，下午茶既選擇真係算幾多。焗既炒既包類炸物應有盡有，本身唔想食甜野，但見西多士好正，咁就揀西多士啦，都算餐廳老實，幾大件，唔會係細細舊果D。味道而言，個西多士好香好脆，牛油好大塊，真係好邪惡，但久唔久一次無所謂啦！食完都飽飽地，本來想食多D野，但驚肥都係唔好啦！熱檸茶正正常常，唔會好酸或好甜，份量適中，算係中上之作。講反價錢，其實比好多旺區既茶餐廳較平，平時無裝修無品牌既都係咁上下，佢開得係旺區，應該租金都好貴，但價錢都無話太過驚人！見同台食客個飯都唔係太少，都可以當做晚餐！最後去收銀處比錢，先見到佢D燒味，幾正，下次有機會要試佢D燒味！可惜我得一個人，擔心食唔晒乍。