米走雞 (昭德大廈) (已結業)

我自己本身就係芝士嘅狂迷！面對住芝士真係咩抵抗力都冇曬！今次就試下長沙灣青山道呢間米走雞，地點又方便易去，最適合剛剛收工約埋朋友仔去食！一來到坐底就諗都唔諗叫咗個芝士雞煲！芝士份量有個比大家自行揀少量，普通定係激量！好似我呢D芝士迷都係揀個普通份量就夠啦！芝士雞煲：呢個芝士雞煲最大嘅吸引之處就係呢雞都係用雞腿肉多，唔多骨！最適合D鍾意大大啖食肉嘅朋友仔！大份肥牛：食完雞煲可以加湯當打邊爐咁食，可以自行選擇加清湯定還是芝士湯！咁打邊爐又點可以少得肥牛呢係咪！除咗肥牛，仲叫咗我最愛嘅魚皮餃同埋響鈴仲有炸魚皮！個響鈴size比起一般出邊果D嘅size真係差好遠！！！好正！魚皮餃呢就大大粒，皮薄餡靚，正！炸魚皮好大舊好脆，絕對唔係腍滋滋！