蘇山雞飯

營業中

休息中

早兩日陪朋友去D2 Plaza閒逛，重煩惱緊個晚晚餐食D乜，突然醒起附近有間蘇山雞飯，立即Gogogo 。坐定後，見到餐牌比之前多左選擇。我地各自點左一份招牌雞飯，一份為醬油三寶飯，會跟醬油雞、豬手和滷蛋，跟餐會配上油飯和冬瓜雞雜湯，但我地都係肉骨茶愛好者，所以+10轉配輕怡肉骨茶。難得黎到當然要食埋佢嘅鮮油咖央多士，邪惡得黎，極之美味。另一份招牌雞飯點了黑白雞飯，裡面會跟海南雞和醬油雞，輕怡肉骨茶，唔係淨係食肉咁油膩，另外加左馬拉盞椰菜苗一齊，夠晒惹味。飲品選了特飲仙草椰奶冰和我必飲嘅超冰凍椰青，椰子好靚，除入口勁清甜，食果肉也不廢任何功夫。