周記點心

營業中

休息中

聽聞周記成日都要排隊，所以一早九點就來食，都已經坐滿，體來真係好好生意！四個人點左一份流心西多士，蝦多士，春風得意腸，馬拉糕，XO醬蘿蔔糕同蝦餃。流心西多士真係好正，可以見到中間鼓左起身，一切落去D奶皇漿仲會噴出來，味道好濃！蝦多士配葛沙律醬好味，就係有少少熱氣。春風得意腸就係腸粉包炸春捲，都幾特別。但其他點心就麻麻啦，蝦餃味道有少少奇怪，Xo醬蘿蔔糕唔係好入味，馬拉糕仲可以。最後埋單都係百幾蚊，好抵食！