南瀛水產

之前都同朋友嚟過呢度幾次，環境充滿日本文化氣息，播住悠揚嘅音樂，絕對係聚舊好地方🙌🏻海膽杯～呢款係佢哋嘅自家創意料理，個杯分上下兩層，上層有海膽、帆立貝、鮭魚籽、吞拿魚蓉，仲有一隻澤蟹做裝飾下層則有，柚子蘿萄漬、冷海蜇和牛蒡漬，店員話除咗隻杯全部都食得😄，海膽鮮甜，無雪藏味，入口順滑，食完上層嘅刺身，再食下層嘅漬物，感覺更能把刺身嘅味道更提鮮👍🏻👍🏻好特別！蚧味噌甲羅燒～自家特色燒物，蟹蓋裝住蟹肉、蟹膏、蟹0籽，中間有一隻鵪鶉蛋，一邊燒一邊將全部材料拌勻，香氣滿瀉，啖啖都充滿蟹味，齒頰留香，見到幾乎每一枱都有order。小食方面我哋食咗玉子燒、海鮮沙律和炸雞軟骨～每款都係即叫即整，炸物夠熱夠脆，入口新鮮。特別一提海鮮沙律🥗有幾款魚類刺身同新鮮沙律菜嘅混合，個汁酸酸地，非常開胃清新。黑松露鰻魚釜飯～日式鍋飯，即叫即整，上枱先點著火，見上面鋪滿鰻魚，黑松露醬放中間，要焗20分鐘先食得，一打開個蓋，香氣撲鼻，個底仲有全個飯焦添，鰻魚入口Juicy，整個飯夠晒份量，勁滿足👍🏻