段純貞牛肉麵 (Tower 535) (已結業)

未喺台灣食過「段純貞」，無從比較香港店（銅鑼灣）有冇唔同。不過整體嚟講我只覺得合格，所以簡略講吓算了。紅燒腱心半筋半肉牛肉麵（$88）算係最好食，湯底濃（但唔夠辣），牛腱同牛筋都好腍，不過都唔及啲麵咁腍，冇晒口感，唔知㨂粗麵會唔會好啲。蒜香手撕雞乾拌麵（$78）冇食到，畀唔到評語，不過聞說麻麻。滷水拼盤（$78）係牛肚最好食。冰糖醬花生（$15）甜甜地又有少少鹹鹹哋，都ok。珍珠奶茶（$28）正常水準，不過冇熱的，同埋飲品選擇較少。