口麻天辣

營業中

休息中

同朋友行v-walk, 見到一間新開又好粉紅既店，好好奇係咩，外觀好似美容院，但原來係食川菜。之後就入到叫野食。天花頂酸菜魚叫左少辣，魚味有啲重，重酸味，係酸菜煮出嚟既酸，少辣真係唔夠辣，如果想酸同辣平衡返，就要叫中至大辣。魚片偏薄，帶有魚皮。口感算滑，但有魚腥味。噴火水煮牛肉呢個叫左中辣，終於食到有辣味。不過我下次會叫大辣，因為都係偏溫和。麻味剛剛好。牛肉量都好夠，同埋好滑，入哂味。仲有幾條厚既寬粉，同豆牙。如果寬粉係煙韌果種寬薯粉口感會好啲。黃金脆炸小酥肉呢個好酥脆，炸粉都算薄，外脆卜卜，肉唔乾柴。麻辣牛展呢個小食真心正，麻辣味入哂落牛展，牛展唔韌，入口即化。辣到適中，又香又麻。香炸脆奶呢個外脆內軟，入面的奶，好似奶凍布甸,即刻食仲有外熱內冷口感。彩虹冰粉我唔喜歡食提子干同酒釀，可以選擇走呢兩個配料，幾貼心。冰粉可以解頭先食濃味既口，食完清除左油膩感，增加咗清爽感！各種配料配合得好好。