四季良晨 (新都城中心) (已結業)

因為屋企一落樓就係，而且又平又大份味道又好，所以基本上我隔個星期日就會去食👅 其中一樣我覺得佢做得最出色既前菜係麻辣牛肚😝 份量超大！ 每條牛肚都好爽口彈牙，最重要係佢個醬汁超惹味，差啲想打包返屋企。叫左幾隻餃子，雖然無專做餃子既店咁出色，但做得夠肉多而且湯底鮮甜！叫左牛三寶麵，佢既湯底的確係勁鮮味，牛肉煮得十分入味好香！我哋仲叫咗個鹽酥雞扒滷肉飯餐，平時一碗滷肉飯出面已經買差唔多30幾蚊，依到加埋大大塊雞扒先50幾60蚊，仲跟時菜同湯，窮人恩物👻 今次第一次叫佢嘅水果茶，就覺得都係佢哋嘅奶茶更勝一籌！尤其是係黑糖珍珠鮮奶，大大杯，珍珠夠彈👅 啱晒我依d鐘意飲甜既人！