意蠔屋 (已結業)

是日星期六，因為要辦伴貨既關係所以出左旺角順便食埋飯，揀左黎位於通菜街既意蠔屋。我地叫左兩個set lunch,包湯，主菜同埋飲品。餐湯有忌廉湯或羅宋湯，羅宋湯好香濃，好重蕃茄味，好好飲。小食方面，我地係另叫既，叫左兩隻生蠔同埋一份瑞士雞翼。生蠔非常新鮮而且好有海水味，配埋D汁食真係好好味，唯一美中不足既係無得揀品種。瑞士雞翼整得好入味，不過賣相有改進既空間，建議可以加少少配菜伴碟，咁睇落去會靚D。忌廉蟹棒蘑菇尖通粉: 意粉好creamy，蟹棒份量都幾多，而且熟得黎又唔會過諗，幾好。辣蒜香雞肉蘑菇天使麵: 雞肉份量都算多，天使麵唔算油，不過就一D都唔辣，如果可以可返少少tabasco就好啦。如果只計SET LUNCH，一個餐都只係30幾蚊到，有湯有主菜有飲品，午餐仲要唔洗加一，真係幾抵食。