影片
更多
2021-08-21
137 瀏覽
這晚夜，是一啖韓式燒烤，一啖冷麵的滿足。～～～聽日同大舊打第二針，打針之前決定食好啲補充下體力，😁 希望打完之後個人冇咁攰。～～～呢間韓式餐廳喺尖沙咀有兩間分店，呢間分店第一次食，位置幾便利，地鐵站行過去大概5分鐘左右，餐廳裏面大部份都係韓國人服務員，得一兩個香港人，坐低之後剛好隔離枱係韓國人食客，令人感覺特別正宗，期待滿滿。～～～見到枱枱都嗌韓式燒烤，我哋就跟住嗌左調味排骨同鮮鰻魚，兩款燒烤料夾埋$300都唔使，係就送咗一大堆前菜，例如有蒸南瓜、洋蔥青瓜炒魚糕、泡菜、豆芽菠菜、蘿蔔片等等。～～～調味排骨香香甜甜，食落好Juicy，肉質柔嫩彈牙，加少少生菜同泡菜，入口盡是滿足。而燒鰻魚就好肥厚，魚油豐腴，有少少骨但係啲骨好細，直接咬落去都得，輕輕一燒就外脆內軟，燒烤唔叻嘅人都容易燒得好食。～～～二百零蚊嘅韓式豬手，份量驚人，上枱時候感覺非常壯觀，豬手高質，該彈牙嘅地方彈牙，該柔軟嘅地方柔軟，外皮骨膠原感滿滿，味道唔會做得太濃烈食多幾舊都冇口渴嘅感覺。一啖豬手再配上一口Terra 韓國啤酒🍺，整日返工嘅疲累即刻一掃而空。～～～另外值得大家一試嘅仲有佢哋嘅人蔘雞湯同葛根拌冷麵，人蔘雞湯裏面
～～～
聽日同大舊打第二針，打針之前決定食好啲補充下體力，😁 希望打完之後個人冇咁攰。
～～～
呢間韓式餐廳喺尖沙咀有兩間分店，呢間分店第一次食，位置幾便利，地鐵站行過去大概5分鐘左右，餐廳裏面大部份都係韓國人服務員，得一兩個香港人，坐低之後剛好隔離枱係韓國人食客，令人感覺特別正宗，期待滿滿。
～～～
見到枱枱都嗌韓式燒烤，我哋就跟住嗌左調味排骨同鮮鰻魚，兩款燒烤料夾埋$300都唔使，係就送咗一大堆前菜，例如有蒸南瓜、洋蔥青瓜炒魚糕、泡菜、豆芽菠菜、蘿蔔片等等。
～～～
調味排骨香香甜甜，食落好Juicy，肉質柔嫩彈牙，加少少生菜同泡菜，入口盡是滿足。而燒鰻魚就好肥厚，魚油豐腴，有少少骨但係啲骨好細，直接咬落去都得，輕輕一燒就外脆內軟，燒烤唔叻嘅人都容易燒得好食。
～～～
二百零蚊嘅韓式豬手，份量驚人，上枱時候感覺非常壯觀，豬手高質，該彈牙嘅地方彈牙，該柔軟嘅地方柔軟，外皮骨膠原感滿滿，味道唔會做得太濃烈食多幾舊都冇口渴嘅感覺。一啖豬手再配上一口Terra 韓國啤酒🍺，整日返工嘅疲累即刻一掃而空。
～～～
另外值得大家一試嘅仲有佢哋嘅人蔘雞湯同葛根拌冷麵，人蔘雞湯裏面有好多糯米，加上煲得軟淋嘅雞肉，食落飽肚暖身，而且糯米軟綿綿咁，雖然好飽但係都忍唔住飲晒啲湯。
～～～
食完熱嘅之後，就想食返個凍嘅冷麵黎降溫一下，佢哋嘅冷麵質感彈牙，雖然叫咗個細嘅，但係其實佢哋細嘅份量都好多，完全夠兩個人食。裏面仲有梨🍐片，整體味道清新非常，係好適合夏天叫嘅主食。
張貼
