影片
更多
2019-10-01
191 瀏覽
今晚約左FRD子在旺角食飯，仲未夠鐘，唯有四圍遊盪一陣先。行下行下行到去肥姐，好耐冇食，喜見人龍不是很長，一於就排埋一份。由於要留肚晏Ｄ食放題，今次唯有輕嚐，只係叫左大墨魚同大生腸兩款皇牌。個人食橙色滷味有個非常奇怪的習慣，就係唔似一般人落醬落到五顏六色，係好堅持只要加豉油！正因為係咁，我食橙色滷味對滷味本身的用料要求好高，係要食得出材料的鮮味。老實講食左咁多年滷味，市面上一般只有肥姐嘅滷味達到我要求，例如大墨魚真係會食得出鮮味，唔係一舊擦膠加甜醬芥辣。記得好多年前肥姐曾經接受過訪問，話佢地嘅大墨魚係用上刺身級數的用料，不計成本。可惜今日再嚐，墨魚係氽水氽得太勁，冇咩味，至於生腸，係爽嘅，沒有異味，但同時好似仲有點點梳打鹼性味道殘留。希望下次再去水準會回勇啦，真心唔想市面上罕有食得過嘅滷味檔都冇埋.....
由於要留肚晏Ｄ食放題，今次唯有輕嚐，只係叫左大墨魚同大生腸兩款皇牌。
個人食橙色滷味有個非常奇怪的習慣，就係唔似一般人落醬落到五顏六色，係好堅持只要加豉油！正因為係咁，我食橙色滷味對滷味本身的用料要求好高，係要食得出材料的鮮味。老實講食左咁多年滷味，市面上一般只有肥姐嘅滷味達到我要求，例如大墨魚真係會食得出鮮味，唔係一舊擦膠加甜醬芥辣。
記得好多年前肥姐曾經接受過訪問，話佢地嘅大墨魚係用上刺身級數的用料，不計成本。可惜今日再嚐，墨魚係氽水氽得太勁，冇咩味，至於生腸，係爽嘅，沒有異味，但同時好似仲有點點梳打鹼性味道殘留。
希望下次再去水準會回勇啦，真心唔想市面上罕有食得過嘅滷味檔都冇埋.....
張貼
