影片
更多
2018-11-25
1898 瀏覽
前排已經見過介紹 早幾日又有個foodie friend同我介紹呢間炊豕店 一於今日放工就同阿妹去試吓佢🤓餐廳鋪面唔大 要排隊 七點鐘大約等10至15分鐘 八點鐘就大約等5分鐘🤔 (點解我會知？ 因為我阿妹遲咗一個鐘😑 約咗七點 排到隊頭佢先話會遲 結果我排咗兩次...)等嘅時候已經可以落定單先😛選擇唔少 價錢又唔貴 好期待😋😋😋終於有得坐低 鋪頭細細但係裝修都幾四正 原來‘豕’讀‘始’ 暗中困擾左我好耐阿！😂我哋叫咗叉粒豆角蔥花炒滑蛋飯同秘製豬扒飯配咖喱汁🍛 再加個炸芝麻雞翼😛叉粒豆角蔥花炒滑蛋飯賣相好靚 多蔥個蛋又滑 蛋下面仲有甜豉油撈飯 好惹味😋😋😋 我妹話個味其實有啲福建炒飯 不過日式啲 講落又好似係喎😂 再嚟個秘製豬扒飯 呢個真係不！得！了！ 我都唔知點先可以煮到咁 塊豬扒雖然係炸 但食落係一啲都唔熱氣 好香好脆但係又有少少煙韌😳 咁形容好似有啲古怪 塊皮有少少似mochi 但係同豬扒好夾 係好食嘅😂 認真無誇大 我真係未食過咁嘅炸豬扒😂 好特別好好味！一定要試！伏嘅話你喺呢篇食評下面留言 我會...向你道歉😂唔知點解冇影到碗飯 我叫咗少飯(減1蚊) 都仲係好大碗 夠哂飽😳b
餐廳鋪面唔大 要排隊 七點鐘大約等10至15分鐘 八點鐘就大約等5分鐘🤔 (點解我會知？ 因為我阿妹遲咗一個鐘😑 約咗七點 排到隊頭佢先話會遲 結果我排咗兩次...)
等嘅時候已經可以落定單先😛選擇唔少 價錢又唔貴 好期待😋😋😋
終於有得坐低 鋪頭細細但係裝修都幾四正 原來‘豕’讀‘始’ 暗中困擾左我好耐阿！😂
我哋叫咗叉粒豆角蔥花炒滑蛋飯同秘製豬扒飯配咖喱汁🍛 再加個炸芝麻雞翼😛
叉粒豆角蔥花炒滑蛋飯賣相好靚 多蔥個蛋又滑 蛋下面仲有甜豉油撈飯 好惹味😋😋😋 我妹話個味其實有啲福建炒飯 不過日式啲 講落又好似係喎😂
再嚟個秘製豬扒飯 呢個真係不！得！了！ 我都唔知點先可以煮到咁 塊豬扒雖然係炸 但食落係一啲都唔熱氣 好香好脆但係又有少少煙韌😳 咁形容好似有啲古怪 塊皮有少少似mochi 但係同豬扒好夾 係好食嘅😂 認真無誇大 我真係未食過咁嘅炸豬扒😂 好特別好好味！一定要試！伏嘅話你喺呢篇食評下面留言 我會...向你道歉😂
唔知點解冇影到碗飯 我叫咗少飯(減1蚊) 都仲係好大碗 夠哂飽😳
btw 牆上面呢個黃金鹹蛋燕麥豬扒飯睇落都好吸引 仲係期間限定！不過第一次嚟 我就聽咗個foodie朋友推介揀咗秘製豬扒飯 下次一定要試埋呢個！
食完兩個飯其實都已經飽飽地 但係港女眼闊肚窄是常識吧😂 一坐低就已經叫咗個雞翼 好彩兩隻雞翼都靚靚仔仔 見到都有胃口嘅 同豬扒一樣係好香脆但係唔熱氣 (但唔係豬扒個款少少煙韌嘅皮） 面頭有好多芝麻同七味熠粉 好邪惡 最後輕鬆食完🤤
重頭戲 叫咗兩個飯跟飲品 再加個小食 到底幾多錢呢？係$143😱！晚市+銅鑼灣 +呢個質素 我突然覺得自己排嗰區區20分鐘真係好抵😂 近期食過性價比最高嘅餐廳 我都唔收收埋埋喇 極力推介😂👍🏻
張貼
