醉胡爐 (已搬遷) 新店位置

過年前約朋友食火鍋預祝元旦，相約位於尖沙咀區的醉胡爐主要食打邊爐，原來亦有串燒同刺身供應，本身約老友打邊爐，所以都不叫串燒刺身了，食店位於尖沙咀區，不過我搭港鐵到佐敦站經山林道行過去較方便。食店門面大大隻招牌唔難認，內部也顯得骨子優雅，非似一般火鍋店格局。至於價錢方面，湯底300-400，是中上價錢，除舊迎新所以我們特別叫一個爵士佛跳牆窩迎接新一年，湯窩的配料叫人期待，有花膠、海參、鮑魚、素翅、螺片、金華火腿，仲有哈密瓜添，陣容強勁見到也興奮！湯底神來之筆是哈蜜瓜，令湯底清甜帶果香。芸芸火鍋料中，我欣賞手作丸類，好似薑汁豬肉丸幾創新，咬在內是薑蓉，口感唔會好辣幾特別，另外蟹籽蝦丸也是爽口不錯。食物質素是好，反而客人太多令服務稍慢是有改善空間，期待下次再來大擦一餐，品嘗其他食材。