影片
更多
2018-03-12
51 瀏覽
講到辣野，又點可以唔提川菜呢？朋友係老銅附近放工，上網搵呢間正評多，睇相又吸引，一於give it a shot！一上到樓已經香氣撲鼻，坐低就有中式餐具同茶。即刻沖茶攤凍，陣間辣都有杯水飲頂頂一出場嘅有招牌四川涼麵，攪渾成個麵色都變埋，味道果然刺激，夠辣夠香，涼麵入口爽口彈牙，好彩頭盤凍食，唔係我就第一道菜陣亡了跟住再黎係蒜泥白肉。同平時係譚仔食開嘅好唔同，雖然都係浸係紅油入面，但香味更勝一籌，蒜味唔係靠伴埋生蒜一齊食先有，而係已經係醬汁入面入哂味，更加濃郁嘅風味同辣味令成道菜更添特色之後中場休息，食番碟糖醋里脊。同出面食開嘅糖醋排骨差唔多，味道稍酸，食得出係炸完再炒，香酥可口，比較開胃。係辣味轟炸嘅狀況下食番道開胃菜有點綴嘅作用。重頭戲重慶辣子雞同水煮肉片終於出場！呢兩味菜睇樣已經知佢鑿住個「辣字」，食落去唔知會點呢？炸子雞炸到非常乾身，咬落去有炸物嘅感覺，辣味但又唔會搶左雞粒嘅香味，口感一流，正！水煮肉片個湯汁非常濃郁，有一定稠度嘅辣味湯汁令肉片更加入味，辛辣嘅口感同煮到嫩滑嘅肉片十分搭，辣得十分過癮！最尾店家仲送番碟時菜俾我地解辣用，認真細心呢次可謂辣得痛快！食過番尋味，天氣凍特
朋友係老銅附近放工，上網搵呢間正評多，睇相又吸引，一於give it a shot！
一上到樓已經香氣撲鼻，坐低就有中式餐具同茶。即刻沖茶攤凍，陣間辣都有杯水飲頂頂
一出場嘅有招牌四川涼麵，攪渾成個麵色都變埋，味道果然刺激，夠辣夠香，涼麵入口爽口彈牙，好彩頭盤凍食，唔係我就第一道菜陣亡了
跟住再黎係蒜泥白肉。同平時係譚仔食開嘅好唔同，雖然都係浸係紅油入面，但香味更勝一籌，蒜味唔係靠伴埋生蒜一齊食先有，而係已經係醬汁入面入哂味，更加濃郁嘅風味同辣味令成道菜更添特色
之後中場休息，食番碟糖醋里脊。同出面食開嘅糖醋排骨差唔多，味道稍酸，食得出係炸完再炒，香酥可口，比較開胃。係辣味轟炸嘅狀況下食番道開胃菜有點綴嘅作用。
重頭戲重慶辣子雞同水煮肉片終於出場！呢兩味菜睇樣已經知佢鑿住個「辣字」，食落去唔知會點呢？
炸子雞炸到非常乾身，咬落去有炸物嘅感覺，辣味但又唔會搶左雞粒嘅香味，口感一流，正！
水煮肉片個湯汁非常濃郁，有一定稠度嘅辣味湯汁令肉片更加入味，辛辣嘅口感同煮到嫩滑嘅肉片十分搭，辣得十分過癮！
最尾店家仲送番碟時菜俾我地解辣用，認真細心
呢次可謂辣得痛快！食過番尋味，天氣凍特別食得辣嘅我，趁夏天未到一定會試多幾次！
張貼
