川一料理 (已結業)

天氣轉涼，所以想食啲辣野暖暖身！屋企附近開左間川一料理一段日子，都未有機會試，今晚就去叫幾味加送啦！冷盤都幾多選擇，有麻辣又有五香的。叫左盒四拼，任選四樣，五香牛展，鴨腎、麻辣豬耳同金錢肚牛展同金錢肚好入味，雖然雪過，但唔會好硬。豬耳爽口！呢盤野送酒一流！藤椒魚皮呢個一定要試下！我之前都未試過甘食魚皮😂😂魚皮辣辣地，超級爽口！口感好特別，好好食既小食！羊腩煲麻辣版，有支竹、馬提、蘿蔔同最重要既羊腩，呢個係細煲，所以份量唔多。羊腩好入味，支竹同蘿蔔吸晒啲精華！好野味！唔錯既外賣！