川一料理 (已結業)

在朋友家聚餐，咁岩經過見到有間賣川菜的外賣店。花款琳琅滿目!!我諗講得出嘅川菜，這店都齊款。有涼拌、有水煮、有飯餸、有乾拌麵、仲有特色小品類型。如果想買火鍋配料，有湯底及急凍包。選一人套餐的話，仲有可以配一份葷或素合併，加飲品。今次選了涼拌及餸:椒麻手撕雞(半隻) $68話明手撕雞真係啖啖肉，肉質嫩滑，唔辣，但好麻，成條舌頭都麻痺了，好刺激，而且給了很多花生，不斷咀嚼、不斷痺，食上癮。藤椒魚皮卷 (例) $55這個全場朋友都搶住食，食慢一步都冇哂魚皮勁爽!!完全唔覺食緊魚類，因為一d腥都冇!!這個是又辣又麻，但唔會令你停口，適中辣麻。要讚下花生，是脆的。無骨鳳爪 (例) $45鳳爪爽、直頭影唔切相，又香又辣，清爽一絕。木耳拌青瓜 $30青瓜爽脆清甜，木耳很爽，索滿了醬汁，很掛汁灑了滿滿芝麻。

今日唔想煮飯，本來只係想頹頹地食個兩餸飯，但見到兩餸飯隔離就係一間川菜外賣「川一料理」，隨眼望已經見到有最少三十款涼伴餸菜，咁吸引，當然要試下啦！😋「川一料理」熱食同涼伴既食物都有，如果想正正經經食一個餐，可以叫一人套餐連飯，東玻肉同椒麻雞飯都好似幾吸引！但我呢D 咁三心兩意既人，梗係企係櫃檯前指手劃腳，食多D 野啦😋😆叫左一個口水雞(半隻)口水雞份量大到我以為係一隻，超級厚肉。口水雞黎講，「口水」重要過雞好多，呢個醬辣中帶香、香中帶麻，絕對係下次再食既必點菜式！🥳麻辣粉皮——粉皮黎講一定要夠多配料同醬，唔係就乾憎憎好難食。呢個麻辣粉皮有超多花生、香菜、芝麻、麻辣油，口感豐富，幾分鐘就清晒了！🫣金錢肚好爽口，都幾彈牙，叫輕食 ($30) 都咁大份，性價比好高🤤涼拌鮮牛肉呢個鮮牛肉唔會太辣，唔會蓋左牛肉既鮮味。牛肉都煮得滑，係好岩送酒既食物！😆呢間店可以Encore，下次可以再試下食熱食😋😋

食得多住家菜總會想食啲麻辣小菜，今日經過西灣河呢間川一，就咁出面睇好似都幾多川菜涼拌菜選擇，就入去幚自己加下餸。酸菜魚 1人份 $88我最鍾意就係食酸菜魚，佢呢個酸菜魚魚片數量唔少，仲要個湯唔算太油，飲落好惹味好開胃，底下仲有唔少芽菜酸菜同薯粉，連兩老都話好味😋涼拌拼盆(三葷送一素) $60涼拌菜都有好多選擇，我就揀咗豬肚、豬耳絲同脫骨香豬肘，佢而家仲送多一個素菜，我就揀咗海帶絲試吓味，店員仲好友善問使唔使要加辣，我就揀咗普通麻辣，涼拌啲豬肉都好入味，又唔會太辣，但又有少少麻，而且份量都唔少🤤秘製泡椒鳳爪 $38我平時都幾鍾意食鳳爪，呢個泡椒鳳爪入晒味，完全感受到泡椒嘅辣味，雖然到幾辣，但真係食到好過癮。店員都好推介佢哋嘅麻椒魚皮，俾咗少少我試下，好驚喜喎，魚皮有口感爽口彈牙，一啲都唔腥👍🏻👍🏻

睇個名你會覺得係食川菜定日本野？🤣行過就知係間食川菜嘅外賣餐廳如果係太安樓食到唔知食咩，都可以黎川一試下。叫咗咩呢？🌼 水煮魚 🐟 88有細中大選，我地就選咗細嘅黎試下。魚身嫩滑可口，估唔到細嘅份量都幾多下😎配料好足，幾飽肚下😆寬粉煙煙韌韌 👍🏻🌼 酸辣粉餐 48入面包埋小食豬肘同青瓜然後跟野飲🌼 仲加咗個半隻手撕雞 68手撕雞無碎骨啊，好感動🤣肉質夠有彈性😚加埋啲椒麻醬和香菜，味道層次就提升啦🌶️ 辣度算適中可以再shred 得細少少會更perfect

▫️川一料理西灣河筲箕灣道33-55號麗灣大廈地下J1號舖主打四川風味的小店，距離地鐵站只有2分鐘步行距離，而且食物選擇眾多，樣樣都想試的我最後選擇了一份酸菜魚、秘製金錢肚和爽脆豬耳絲拼盤、和手撕雞飯。🍽️ 酸菜魚魚身嫩滑可口，份量也很足，配料也沒有馬虎，也有飽肚感十足的寬粉，煙煙韌韌，但略嫌酸辣味不夠。🍽️ 秘製金錢肚和爽脆豬耳絲拼盤四川風味的雙拼小食，金錢肚和豬耳都醃製得非常入味，豬耳尤其爽口彈牙，非常地道。🍽️ 手撕雞手撕雞啖啖肉，帶點麻香味。

天氣轉涼，所以想食啲辣野暖暖身！屋企附近開左間川一料理一段日子，都未有機會試，今晚就去叫幾味加送啦！冷盤都幾多選擇，有麻辣又有五香的。叫左盒四拼，任選四樣，五香牛展，鴨腎、麻辣豬耳同金錢肚牛展同金錢肚好入味，雖然雪過，但唔會好硬。豬耳爽口！呢盤野送酒一流！藤椒魚皮呢個一定要試下！我之前都未試過甘食魚皮😂😂魚皮辣辣地，超級爽口！口感好特別，好好食既小食！羊腩煲麻辣版，有支竹、馬提、蘿蔔同最重要既羊腩，呢個係細煲，所以份量唔多。羊腩好入味，支竹同蘿蔔吸晒啲精華！好野味！唔錯既外賣！

今日去探朋友，順道買了一些外賣同朋友一齊食，朋友就比較喜歡食四川野同漢堡包，所以去完”Villa Villa burger"買漢堡，就去”川一料理”買川菜給朋友試下。朋友話間川菜新開無耐，好想試下，咁由我發板，買幾味特色菜給他醫肚。😃"鎮江排骨"，"辣炒豬大腸"，’’奇味豬手"，”冰鎮墨魚仔"，林林總總，應有盡有，雖然間鋪細細間，但係都幾食物都幾齊全。仲幫D食物加左D生動既形容詞，好吸引人既眼球，抵讚。間野都有二人/四人套餐既，想食得抵D，大家都可以留意下。豬大腸係朋友至愛，一件不留，佢話肉質滑嫩，滲透陣陣辣，好開胃，仲想encore。奇味豬手，猪手肉有口感，處理得不錯，奇味回味。至於冰鎮墨魚仔要介紹一下，一隻一隻，食落彈牙，肉質有層次。

有時想食辣野時， 就忍唔住一定要食啲辣野先止到癮😂😂😂今日返工時無啦啦想食辣野， 放工走去加餸🤭🙈🤭買左一份酸菜魚+涼拌小菜+ 皮蛋返屋企開餐😍😍😚😚🐟🐟酸菜魚🐟🐟有得選擇大、中、小份量，小怕唔夠食，大又怕多得滯，所以㨂左中size 😆值得一讚係魚肉多、夠厚身而且仲要夠晒滑🤩😋😋而且酸菜味道唔係勁酸或淡而無味，我最後係連酸菜都食晒😆🌶涼拌小菜🥬🥒$60 可以四併， 好抵食😙上面仲有花生及炸黃豆配料架🫢無得輸🔅貢菜～ 第一次食😝入口爽口，口感特別🔅豬耳～軟骨脆卜卜，豬皮位亦夠爽， 唔係淋吱吱👍🏾🔅牛筋凍～好似食骨膠源咁，但又唔會好黏口🤤🔅豬爽口～ 肉如其名😝爽口入名！正！另外仲加多份皮蛋， 份量十足，皮蛋黃入口溶化，忍唔住係咁食😅😅最後比份皮蛋KO 左😂食咁多夾埋都唔過2舊水，出面食一定唔得🙈🙈🙈

本來想去一趟「合時小廚」，不幸朋友有事來不了，那唯有再作打算，看看去吃些什麼。往前走了兩步，看到一間新開的小店「川一料理」，前身好像是韓式炸鷄或是涼茶舖，都好像昨天的事兒。收銀員看見潛在的顧客，很純熟拿來點餐紙，一個勁兒推薦自家小店。既然來到，川菜也是我的愛好之一，隨心點了一些小吃回家品嚐。這小店沒有堂食，很適合附近學生或工作人士買外賣。點了「虅椒魚皮」，「秘鹵豬皮」，「椒麻手撕鷄」，食四川菜，辣同麻是重點，缺一不可。魚皮有口感，爽脆之餘，略帶麻辣。涼拌貢菜爽口，味道可口。魷魚片一咬就入口，不愧海鮮美食不可或缺的一員。始終未能堂食，雖然是冷盤，未能即時嚐試到即食的鮮味，但是小店的功夫，每每刻劃在每一道餸菜之中。臨立於太安樓附近，小店對每一項細節功夫都要盡心盡力，打好根基，以此為長立於這競爭激烈的美食之區。

今日收工特登行過嚟買的，呢度主打四川料理外賣，店舖細細哋又近港鐵站，𥚃面的食物選擇確勁多👍甚至連酸菜魚、麻辣小龍蝦都有，涼拌都有20-30款😋真係唔嘢少😍$40多元有個單點，$60有套餐😄口水燻蹄飯餐～唔錯，有咬口，份量又多👌筍乾回鍋肉飯餐～入味又不油膩👍配菜：幼滑的土豆絲、麻辣爽口的豬爽肉、脆口的蓮藕片和豬耳絲滕椒魚皮卷～非常爽脆，口感QQ，加埋滕椒的麻辣，一試愛上😍值得一試冷泡桂花烏龍茶和冷泡金桔百香果茶各+$10

我喜歡吃川一的冷盆和各式風味小菜，因價廉物美。今日落雨不想煑飯，便去川一買外賣。涼拌系列的川麻料理出色，現在四拼(三葷一素)特價只是$60。香麻牛蹄筋好正，軟硬適中，充滿骨膠原。滷豬爽肉有特色，爽嫩。五香牛腱有筋有肉，送酒一流。喜歡辣可選麻辣或加辣。四喜烤麸我最愛吃，味道一流咸甜適中，加埋冬菇，金針菜，雲耳和花生米，超好吃!王牌料理有很多款選擇，椒麻手撕雞，咖喱牛腩，鮮菇悶鴨王，梅菜扣肉，豆幹回鍋肉，秘制肴肉之前吃過都美味。今日叫了妹妹喜歡的鎮江排骨和媽媽想吃的東坡肉，兩樣都好正。鎮江排骨($60)家庭裝二至三人份大大份，一字排肥瘦適中，炸完加糖醋炆又入味又開胃，送飯最好。東坡肉($60)好味道，嫓美著名食店出品，肉肥美淋甜，人間美味。套餐加配白飯超抵，一盒有兩碗只是$5。自己炒碟油麥菜，豐富的一餐$200有找，吃飽5個人，大滿足。

同朋友食下午茶食得太飽，夜晚飯都食唔落太多，所以諗住搵啲輕食當晚餐，最後就係太安樓附近搵到呢間主打四川料理外賣店。唔好睇店鋪門口細細，裡面嘅食物選擇好多㗎，有酸菜魚，水煮魚，甚至有飯，麵，薯粉，連涼拌料理都有20幾款，好多選擇。好彩我哋一早諗住輕食，撇除澱粉質，只要係涼拌料理裏諗就可以了。我地第一眼被吸引嘅就係藤椒魚皮，炸魚皮就食得多，涷魚皮都係第一次食。一咬落口，非常爽脆，口感Q彈，加上藤椒嘅麻辣味道，真係好正，一試愛上。冰鎮墨魚仔，size適中，幾爽口，唔錯。肥鵝腸，脂肪略多，但美食總係邪惡的。另外仲可以揀4併，只需$60，啱哂選擇困難嘅我地，我地揀好餸，再揀辣度，就交俾店員為我地調味。味道既香又辣，非常惹味，仲有伴碟嘅炸花生同青瓜絲，好脆口。其中特別喜歡：牛筋，唔會一pat好稔，係可以咬嘅膠感牛腱，牛味唔錯，唔會太硬四喜烤麩，帶微甜，好吸味呢幾款涼拌料理愈食愈辣，愈辣愈惹味，加多罐冰涷汽水，真係無得頂。

好朋友開生日會，呼朋喚友，每人帶一個菜到會。 我絞盡腦汁， 諗下帶乜嘢好呢 ？有乜嘢菜係好味又健康 ，又多人鍾意食 ，💥💥酸菜魚就係最好啦！好彩附近就有一家川菜外賣點，乜野好味的小食冷盆都有，酸菜魚🐠仲好出名，而且唔貴，我揀左個大酸菜魚🐠，再加D小食，店員好好人，教我揀夫妻肺片，因為樣樣有D，可以各取所需。煮酸菜魚好快，十幾分鐘搞掂。好大一盒，面頭鋪滿新鮮🐠魚片，配菜有酸菜，芽菜，百葉，粉條，黃芽白，香蔥，賣相超吸引，令我有即刻食的衝動。😋😋開餐時，個個都爭住試下酸菜魚🐠，一致好評。👍👍魚片新鮮爽口，魚湯好味，配菜都吸曬湯汁味道，各樣食材各顯其能，配搭得宜，相輔相承，真開心❤揀對了食物，揀對了鋪頭，下次開party就知道買野的地方了。👌👌

川一料理 (西灣河)買川菜返屋企食🥘🥘好抵食😙😙2個人叫左好多野食😊😊住西灣河朋友一定要試上☺️☺️椒麻手撕雞半隻$68大大份，手撕雞肉質鮮嫩🍗🍗晚餐送飯一流，麻麻辣辣好過癮😍😍麻醬雞絲涼麵$35滿滿嘅麻醬，撈麵食好正，仲有埋雞絲，推介👍撈麵口感一流😉😉四喜烤麩$35烤麩、雲耳及冬菇 好入味😚😚好好食的素菜🥰🥰清湯牛腩飯套餐$66牛腩炆到好林，加埋白蘿蔔，美味十足😋😋湯底真材實料🤩🤩仲配埋白飯，套餐好抵食😉😉送是日配菜（葷及素一款）桂花烏龍冷泡茶+$10茶底香濃⭐️⭐️解渴好飲☕️☕️地址：西灣河筲箕灣道33-55號麗灣大廈地下J1號舖整體評分：4/5味道：4/5抵食：4/5

今日經過西灣河川一料理就試吓。該店只有外賣，無堂食。該店有大路既川菜例如酸菜魚，水煮牛肉水煮魚等等，仲有一些葷菜同一些小菜，都好多選擇，價錢都唔算貴。葷菜有超過30款，60蚊有4款(3款葷菜，1個素菜), 我選了青瓜，豬耳，藤椒魚皮同雞絲。辣度任你選擇，而我就選了小辣，十分野味，份量唔小。除左前菜之外，職員推介左一個椒麻雞。由於本人喜歡食麻椒味度，所以叫左半隻黎試下，半隻68蚊。半隻分量唔小細，夠3至4人食。椒麻雞有重麻椒味，食完個口會有些麻既感覺，非常過引，雞既肉質都唔錯。之後再叫左個奇味豬手，這個小菜個醬油汁非常正，有甜的味道，撈飯一流，豬手充滿住的膠原蛋白，但食完又唔會有油膩既感覺。整體黎講，餐廳雖然只係提供外賣，環境黎講都幾整潔，職員都有禮，食物選擇多，食物味道幾好。如果唔想煮餸，黎度都係一個加餸外賣既好選擇。