碼頭故事 (已搬遷) 新店位置

有朋友之前係大陸試過呢間碼頭故事火鍋，見佢新開咗係香港嘅分店，約埋我哋一齊試下。門口裝修都幾別緻，非常古色古香。入到入面仲有唔少好靚嘅屏風，分隔唔同嘅檯，比較有空間感。餐牌都有好多選擇，仲有唔少食四川火鍋必食嘅菜式，例如鴨腸、千絲牛舌、嫩牛肉等，感覺好似返咗大陸打邊爐。當然要試下呢個牛油鴛鴦鍋底，有麻辣湯同大骨湯，兩邊都好足料，麻辣湯有滿滿嘅花椒同辣椒乾，感覺好刺激。先試下個蝦滑同墨魚滑，用咗兩個大竹筒做盤，賣相幾靚。而且食落好彈牙好有口感，食到蝦肉同墨魚燈，都幾鮮味。跟住就試下呢個一米鴨腸，非常新鮮爽脆，條條都非常之長，好滿足。每條都好長，可能唔止一米，淥完都唔會變得太細條。而呢個安格斯牛肉雪花都好足，食落好有牛味，加上店員有教我哋點淥，食落唔會太熟，好香肉味又好滑。呢個脆肉鯇片切得好薄，煮幾秒就食得，魚味好香，食落都好爽脆。最特別嘅就係呢個千絲牛舌，將牛舌切絲，撈埋辣椒粉，食落好香好辣，而且好嫩，必食。而且係指定時間入座仲有折，啱曬一班朋友收工一齊食，慰勞自己。