麻辣派對 (金百利廣場) (已結業)

今日好想食辣, 同朋友喺銅鑼灣找到一間麻辣派對。位置非常方便，地鐵一出行幾分鐘就到達商場。呢度裝修設計好似party room ，昏暗燈光用上射燈更顯氣派，最喜歡佢哋嘅吊燈，好有懷舊感覺。打開餐牌有好多唔同辣鍋，酸菜魚重慶烤魚，小龍蝦，仲有多款海鮮，樣樣都好想食。今晚食左個黃燜雞鍋，，雞肉鮮嫩，有燒酒麻油辣椒香味, 再用秘製醬汁燜成，送水晶粉食一流。水晶粉透明嘟嘟，吸收晒雞汁精華，非常惹味。涼拌花膠，麻辣，辣椒，麻油，香油混合而成，花膠爽口煙靭，做涼拌小食，非常開胃。食辣嘢當然叫一解渴又止辣的飲品，椰青水冰涼健康飲品，正。