火焰山重慶火鍋 (已結業)

又有得食燒烤又有得食重慶火鍋？朋友推介之下嚟到呢間坑口明德邨嘅火焰山，朋友同我講原來除咗食重慶火鍋之外仲可以食燒烤，燒烤即叫即燒，我哋就叫咗職員強烈推介嘅，巴蜀燒神仙豆腐 $28 ，蒜蓉味再加上少少蔥花，錦上添花。另外豆腐嘅口感比較特別，係比較爽口嘅有啲似魚蛋。鍋底方面我哋就揀咗麻辣湯底 ，食得辣嘅梗係揀中辣。職員話湯底係直接喺重慶帶過嚟，所以比較正宗 。鮮蝦雲吞 78 六粒，蝦肉大大粒 滿足，入邊有成完整兩隻蝦。黑牛柏葉78即係毛肚 10秒鐘就足夠㗎啦，可能始終唔係喺大陸，所以冇喺大陸食咁爽口 。不過依家冇得上去 解下口癮，我就鍾意夾埋啲魔鬼辣椒一齊食。另外我哋都叫咗其他嘢食例如廣島冰蠔78鮮腐竹38估唔到簡單嘅食材放喺麻辣火鍋，吸晒啲湯汁超入味，食完會再想食。牛小排 188偏瘦少少，肉味都重 ，因為我鍾意食比較肥少少。如果7分瘦3分肥就會好啲啦，呢個價錢我會推介叫魔鬼辣牛肉片78每塊牛肉片沾滿左辣椒粉，再放入麻辣湯底 ，辣上加辣，另外牛肉大大件，識落好滿足。食到最後，湯底就係最精華，叫咗個擔仔麵 ，嗦晒啲麻辣湯底，最後辣一番先離開。