Plato Cafe & Bistro (彌敦道) (已結業)

旺角油麻地樓上cafe數之不盡，今次食呢間西式cafe食物種類多環境幾舒適都好啱想輕鬆食一餐嘅朋友。我地嗌咗dinner set所以先嚟咗跟餐湯同埋蒜蓉包先，蒜蓉包幾脆，內裡幾鬆軟。美國安格斯西冷牛扒牛扒大大塊切落肉汁豐富咬落又juicy，面頭鹽及胡椒調味剛剛好，真係CP值幾高！西班牙油炸肉桂條Churro唔係好多地方有得食，所以就點咗嚟試吓！雪糕幾大球，配埋外脆內軟churro唔錯啊！仲點咗入小食—水牛城雞翼雞翼大大隻醬汁滿滿，有別於之前食過嘅水牛城雞翼，醬汁相對無咁嗆，仲帶點茄汁味，幾特別！