影片
更多
2021-11-24
59 瀏覽
朋友話打邊爐放題就食得多，但燒串燒放題就無食過，所以今晚帶佢黎呢度見識吓。呢度地方唔算大，雖然食串燒，但都唔會油淋淋，好乾淨。而座位亦好闊落，坐得舒服。坐好後職員好細心為我哋講解，感覺非常好。唔知燒幾耐？唔駛驚，呢度有個燒烤時間建議嘅表，唔怕燒唔熟啦。飲品就在飲品櫃自取，任飲架，串燒就用餐牌落柯打。呢度種類都唔少，餐牌已分好晒類，只要直接寫串數在餐牌上就可以，餐牌亦可重用，非常環保，比個like佢。柯打左一陣，職員就好快送上，枱上有個四層鐵架放一盤盤嘅串燒。職員先比左個肉類比我哋熱身，朋友話輕鬆方便，同一時間可燒十幾串，只要放在齒輪佢就會自轉，見到覺得好壯觀。燒到中段時間就可以搽沙爹醬，調味粉及燒汁在枱面，想要咩味道自己話事。肉類：燒到啪啪聲，油標晒出黎，M6和牛、牛柳紐西蘭、牛西冷美國、同埋牛肋腩牛舌等都肥瘦適中，唔韌，惹味。而美國豬肩胛油脂比較多，但食落又唔覺好肥。雞中翼醃得好夠味道，燒就最好食。雞肉卷入口軟熟，好味。海鮮類：鯖魚同多春魚燒完都唔太腥，保留原有味道；蜆肉乾身鹹鹹地，味道ok。菜類及腸類：豆卜、雞髀菇同冬菇等燒到收晒水，脆卜卜；秋葵爽口，菠蘿都幾甜，日本甜薯軟淋淋，幾
呢度地方唔算大，雖然食串燒，但都唔會油淋淋，好乾淨。而座位亦好闊落，坐得舒服。
坐好後職員好細心為我哋講解，感覺非常好。唔知燒幾耐？唔駛驚，呢度有個燒烤時間建議嘅表，唔怕燒唔熟啦。
飲品就在飲品櫃自取，任飲架，串燒就用餐牌落柯打。呢度種類都唔少，餐牌已分好晒類，只要直接寫串數在餐牌上就可以，餐牌亦可重用，非常環保，比個like佢。
柯打左一陣，職員就好快送上，枱上有個四層鐵架放一盤盤嘅串燒。
職員先比左個肉類比我哋熱身，朋友話輕鬆方便，同一時間可燒十幾串，只要放在齒輪佢就會自轉，見到覺得好壯觀。燒到中段時間就可以搽沙爹醬，調味粉及燒汁在枱面，想要咩味道自己話事。
肉類：燒到啪啪聲，油標晒出黎，M6和牛、牛柳紐西蘭、牛西冷美國、同埋牛肋腩牛舌等都肥瘦適中，唔韌，惹味。而美國豬肩胛油脂比較多，但食落又唔覺好肥。雞中翼醃得好夠味道，燒就最好食。雞肉卷入口軟熟，好味。
海鮮類：鯖魚同多春魚燒完都唔太腥，保留原有味道；蜆肉乾身鹹鹹地，味道ok。
菜類及腸類：豆卜、雞髀菇同冬菇等燒到收晒水，脆卜卜；秋葵爽口，菠蘿都幾甜，日本甜薯軟淋淋，幾好；芝士腸燒到芝士流出，勁芝士味，台灣腸甜甜地，兩款腸都燒到爆口；豬柳漢堡腸同平時在連鎖快餐店嘅飽一樣味，只係變左腸，直接燒仲好食。
丸類：魚肉年糕同埋魚肉豆腐燒到爆開，外面咬落彈牙，內裡咬落煙韌；魚蛋同埋魚片頭等同樣彈牙；蝦卷同冬陰功卷味道特別，都好味；街頭燒賣外皮燒到好脆，好好食。
甜類：棉花糖燒到流晒心，雞蛋仔燒原來都好好食，唔算太甜。
最後，每人仲有一杯Haagen-Dazs雪糕，食埋呢個就夠晒滿足。
張貼
