申、居酒屋 (已結業)

天后英皇道地鐵附近仍然有好多食肆，雖然人流冇以前咁旺。近清風街有幢新大廈叫亨環天后，地面都有五六間小店，入升降機就見到申居酒屋。打開lift門，就有open kitchen，光線十分充足。沿着kitchen有10幾個吧枱位，其餘仲有7-8張枱。是日推介有文化燒牛脷，好厚身質感剛好。兩個人食一客份量相當夠。suntory 生啤買二送一，當happy hour都幾抵。炸物有牛骨髓，明太子釀雞翼，忌廉蟹餅。炸粉薄薄地好脆口。好鍾意芝士魚餅，外皮燒得香口，中間係軟綿綿的cheese，差不多要搶着食。串燒多汁菠蘿係正，超甜菠蘿汁咬落去要爆出來。