胡爐 (已結業)

上網見呢度既湯底好吸引，又有得揀龍蝦鍋，又有椰青鍋，雞趐鍋等等，一於帶埋啲朋友黎陪我打邊爐！呢度環境都唔錯～最後揀左呢個冬瓜花膠雞翅鍋 ($368) 一塊大冬瓜圍住個鍋放，入面放左滿滿既雞切，花膠，金華火腿同埋魚翅，比想像中更加豐富同鮮味😻打邊爐點可以冇牛食！叫左碟極上本地手切牛頸脊($368/細份) 牛味好濃而且油脂比例較重，加埋有少少咬口係唔錯～海鮮就叫左新鮮卜卜蜆 ($98) 超級鮮甜，而且一粒沙都冇！另一樣係白鱔片 ($148) 好爽口彈牙，2樣海鮮都超級正！特別介紹手工雲呑 ($48) 入面隻蝦夠哂大隻，材料好新鮮。