云手工火鍋店

營業中

休息中

收工約左朋友嚟尖沙咀食飯，餐廳位於尖沙咀The One附近既瑞生尖沙咀酒店樓上，位置都幾方便同易搵。落單後，店員會捧上九格醬料比我地自行調配醬汁。松茸雞翅冬瓜魚鍋呢個火鍋湯底比想像中豐富。上碟時冬瓜盅放係魚鍋中間，店員再將冬菇、雞件、素翅同埋豬肉放入湯中加蓋煲滾。煲熱後再將冬瓜切開一件件。落火鍋料之前，當然要飲番啖湯，果真鮮味十足，雞肉既肉質亦相當嫩滑，鐘意食腍啲既冬瓜就最好再煲耐啲先食。老友鬼鬼等緊個火鍋煲滾之際，就嗌左個小食過下口癮。油炸鬼包住蝦滑，再點少少醬汁，真係一流。牛胸爽其實係牛隻胸腔肋骨中間既軟骨，輕輕一淥就熟，食落都幾爽口。手打鹹蛋黃蝦丸半份有四粒，蝦丸入面包住細細粒既蛋黃，幾彈牙。鮮蝦雲吞雲吞皮幾薄，餡料肥瘦均勻。雜菜拼盤粟米夠哂鮮甜，打邊爐點都要叫碟菜試下。