老鍋台式火鍋 (京都廣場) (已結業)

太耐無去台灣，就去下嘅台式餐廳望梅止渴一下先。湯底：酸菜白肉鍋個湯底都幾surprise，有勁多料，超多豬肉粟米白菜蕃茄，仲有寬粉，基本上個湯底都已經夠飽啦。冷泡白桃烏龍茶（推介）呢個冷泡茶凍得黎都保留到茶嘅香味，白土味好香好突出，飲落就係烏龍茶味，好清涼嘅推介。涮鍋小羊片羊肉都幾厚，肉嘅脂肪分布均勻，賣相唔錯！羊肉加落湯低都好夠味，唔使再點醬。其他配料：福州丸湯包，響鈴卷，台式蛋餃，寬粉條。全部都係淡味嘅配料，加埋濃味嘅湯低就剛剛好。台式蛋餃比較特別，餃子嘅皮係蛋皮，鎖住入面嘅餃子肉汁，都係推介之一！