熱點 (已結業)

一個人想打邊爐所以就去咗呢間餐廳。叫咗竹笙椰子雞窩，食評如下：湯底：我趁佢未滾晒飲咗一啖，係普通雞湯味（無椰子水），但係個窩有一大pat 椰子蓉。估計係普通湯底加椰子蓉，等啲椰子蓉煲煲吓就似椰子雞湯咁解個鍋有以下材料：雞：5-6舊，似已熟白切雞嘅雞翼部份，個煲未滾已經可以食。幾滑但係無乜肉；貢丸：一粒分兩邊，有黑椒味，粉味唔多魚蛋：一粒分兩邊普通貨色魚肉麻薯、蟹柳、鳴門卷：各一，都係正常凍肉鋪貨色啦。。菜同粉絲：都幾多吓，有埋兩塊鮮淮山，黃芽白之類，女仔胃口唔大唔駛食跟餐個飯都夠飽粟米、兩粒蜆、蜂巢豆腐：都係普通正常嘢成個鍋都好普通，想一個人快快手打個邊爐填飽個肚都未為一個選擇。