翡翠拉麵小籠包 (已結業)

今晚同男友黎食,可能係星期六晚關係,6畸几去到已經要等位,我地都等0左几個字先有位.2個人大概叫0左5個菜,有雞絲粉皮,炸醬麵,紅油牛肉麵,回窩肉,同小籠包.d菜差不多全部一次過上,先上個紅油牛肉麵,0岩0岩開始食,其他菜就上哂...結果個炸醬等到凍哂先食到...d麵硬哂變0左一餅...另外,今日個回窩肉同炸醬麵都略鹹,我地仲要最後先食,鹹到食唔落...個紅油牛肉麵好好食~個湯辣得黎都仲几清,d牛好夠味~小籠包個皮好薄,好味道~但薄得滯d汁好易漏哂.今日0既食物一半一半啦,有d好食有d麻麻地,但我地0岩0岩食完,仲飲緊茶(因為好鹹,所以係咁飲),突然個部長拎張單過黎叫我地埋單.但我地係冇叫埋單的...好似趕客咁.我地都唔係食0左好耐,佢地唔洗咁趕嘛... 反觀我隔離有4個人做0左d好奇怪0既0野,但佢地d部長都冇咩表示.佢地4個係坐我地隔離,但一坐底見隔離有人,就要求坐卡位.但要卡位係應該0係拎籌時講定,佢地冇.於是個waiter就叫佢地等等,睇出面有冇人要求要卡位,冇就俾準備埋單個位佢地.但佢地等0左10分鐘都有,人地都未埋單.而佢地又只係坐0係到,冇叫人食,齋等...咁佢地又was