影片
更多
2020-10-13
1212 瀏覽
2020年10月7日 星期三“無懼世事變改 還是越南越愛 為你所以在期待花開花落至少這一季 被甜蜜蓋過了傷害”自從轉左去新公司之後，都好耐冇食過越南野，所以呢一排都想搵機會試吓越南餐廳，今晚就同老婆去咗尖沙咀行街，之後就喺商場搵到呢一間越南餐廳由於去到嘅時候仲未到食飯時間，所以餐廳裏面唔算太多人，即刻就搵到位坐，餐廳採用左開放式設計，感覺好似好空曠餐牌睇落去已經好吸引，左手邊寫咗彩色嘅名同價錢，而右手邊就有食物嘅圖片，由於實在太多食物可以選擇，花多眼亂，最後搵店員推介左幾個菜式，再每人要一杯飲品首先我要嘅係椰汁紅豆冰，味道唔算太甜，但充滿椰汁味，而且紅豆唔會太過硬，食落有甜味之後有我叫嘅招牌火車頭，裏面有好多唔同嘅配料，包括生牛肉、扎肉、牛丸同牛腩，因為有幾款唔同嘅牛肉，所以連湯底都充滿牛肉味，生牛肉淥一陣已經差唔多全部熟晒，好腍，而牛丸同扎肉就好彈牙至於老婆就要咗海鮮炒檬粉，份量都唔少，而且睇落去好有鑊氣。老婆話海鮮煮得啱啱好，加埋青檸同檬粉一齊食，味道會更加豐富最後仲有呢一個越式拼盤，包括越式豬頸肉、越南春卷、炸蝦餅同越南蒸粉皮。越南春卷同炸蝦餅都炸得好香脆，特別係炸蝦餅，咬落去真
“無懼世事變改 還是越南越愛
為你所以在期待
花開花落至少這一季 被甜蜜蓋過了傷害”
自從轉左去新公司之後，都好耐冇食過越南野，所以呢一排都想搵機會試吓越南餐廳，今晚就同老婆去咗尖沙咀行街，之後就喺商場搵到呢一間越南餐廳
由於去到嘅時候仲未到食飯時間，所以餐廳裏面唔算太多人，即刻就搵到位坐，餐廳採用左開放式設計，感覺好似好空曠
餐牌睇落去已經好吸引，左手邊寫咗彩色嘅名同價錢，而右手邊就有食物嘅圖片，由於實在太多食物可以選擇，花多眼亂，最後搵店員推介左幾個菜式，再每人要一杯飲品
首先我要嘅係椰汁紅豆冰，味道唔算太甜，但充滿椰汁味，而且紅豆唔會太過硬，食
落有甜味
之後有我叫嘅招牌火車頭，裏面有好多唔同嘅配料，包括生牛肉、扎肉、牛丸同牛腩，因為有幾款唔同嘅牛肉，所以連湯底都充滿牛肉味，生牛肉淥一陣已經差唔多全部熟晒，好腍，而牛丸同扎肉就好彈牙
至於老婆就要咗海鮮炒檬粉，份量都唔少，而且睇落去好有鑊氣。老婆話海鮮煮得啱啱好，加埋青檸同檬粉一齊食，味道會更加豐富
最後仲有呢一個越式拼盤，包括越式豬頸肉、越南春卷、炸蝦餅同越南蒸粉皮。越南春卷同炸蝦餅都炸得好香脆，特別係炸蝦餅，咬落去真係啖啖蝦肉。至於豬頸肉點咗泰式辣醬之後更加惹味，食到停唔到口
雖然叫咗唔多嘢食，不過都好飽，而且好似去咗越南一轉咁
張貼
