影片
更多
2023-03-15
48 瀏覽
上環高質Omakase - 鮨燐香港有唔少食Omakase嘅店，每間都有唔同特色，而呢間嘅廚師非常親切，每道菜都會詳細介紹，亦會細心留意客人嘅反應，重視客人嘅感受。🧑🍳❤️今次揀左前菜+14件壽司+湯+甜品嘅set，$1380/位，廚師好重視味道嘅控制，所以壽司都已經由佢調晒味，包括想加wasabi嘅話師傅都會幫手加埋，非常方便！🤩🤩前菜：廚師提我地要由左至右食起，先食菜之花加木魚，等口腔清新下；跟住食螢光魷魚配柚子麵豉醬，魷魚好爽口，味道意外地夾；最後係平時好少食嘅海鰻苗，配埋帶薑味嘅汁，味道酸酸地，好開胃！😚壽司：春子鯛壽司魚生面撒左海鹽，中間夾左柚子皮，呢個特別嘅配搭更突出春子鯛嘅鮮甜！😋墨烏賊壽司魷魚味更重，口感更黏厚、爽身。墨烏賊同飯中間加左少少紫蘇葉，好香，鍾意食紫蘇嘅人一定要試！😍淡霧島針魚壽司口感爽身，魚味重，上面加左辣椒，增加刺激感，因為撈左蘿蔔，所以唔會太辣。😙靜岡縣金目鯛壽司油香味重，入口較滑！上面加左用昆布同米整成個麵豉醬，有鹹香味。🥰右口魚壽司加左用魚肝整成嘅肝醬，魚邊輕輕燒過，炙燒味超香，油脂感都好重！😍扇貝壽司炙燒嘅扇貝配上少少青檸汁，好開胃！亦都好厚身，
香港有唔少食Omakase嘅店，每間都有唔同特色，而呢間嘅廚師非常親切，每道菜都會詳細介紹，亦會細心留意客人嘅反應，重視客人嘅感受。🧑🍳❤️
今次揀左前菜+14件壽司+湯+甜品嘅set，$1380/位，廚師好重視味道嘅控制，所以壽司都已經由佢調晒味，包括想加wasabi嘅話師傅都會幫手加埋，非常方便！🤩🤩
前菜：
廚師提我地要由左至右食起，先食菜之花加木魚，等口腔清新下；跟住食螢光魷魚配柚子麵豉醬，魷魚好爽口，味道意外地夾；最後係平時好少食嘅海鰻苗，配埋帶薑味嘅汁，味道酸酸地，好開胃！😚
壽司：
春子鯛壽司
魚生面撒左海鹽，中間夾左柚子皮，呢個特別嘅配搭更突出春子鯛嘅鮮甜！😋
墨烏賊壽司
魷魚味更重，口感更黏厚、爽身。墨烏賊同飯中間加左少少紫蘇葉，好香，鍾意食紫蘇嘅人一定要試！😍
淡霧島針魚壽司
口感爽身，魚味重，上面加左辣椒，增加刺激感，因為撈左蘿蔔，所以唔會太辣。😙
靜岡縣金目鯛壽司
油香味重，入口較滑！上面加左用昆布同米整成個麵豉醬，有鹹香味。🥰
右口魚壽司
加左用魚肝整成嘅肝醬，魚邊輕輕燒過，炙燒味超香，油脂感都好重！😍
扇貝壽司
炙燒嘅扇貝配上少少青檸汁，好開胃！亦都
好厚身，好有口感！😝
三重縣鰆魚壽司
口感實心d，油脂感豐富，好肥美，食落滿口油脂，好滿足呀！☺️☺️
牡丹蝦壽司
超級鮮甜嘅牡丹蝦，上面加左燒過嘅蝦頭拆出黎嘅蝦膏蝦肉，食落幸福感滿滿❤️❤️
梳子魚壽司
廚師提醒要即刻食，因為燒過嘅肉質好軟熟，放耐左就會硬身㗎啦！中間加入左芝麻，燒過之後更加香口！👍👍
鰤魚壽司
同平時嘅油甘魚相比，魚味、油脂感重d，上面配左用檸檬做成嘅麵豉醬，先甜後酸，口感好有層次！🤟🤟
沙甸魚壽司
上面加左薑蔥蓉，仲有粉紅色嘅紫蘇花點綴，好有仙氣感！肉質超柔軟，油脂更加直逼口腔！🤭🤭
銀鱈魚壽司
上面加左wasabi莖做成嘅醬，辣辣地，刺激下味蕾，亦平衡返個油脂感。😚😚
中吞拿魚壽司
呢個唔洗介紹大家都知道正啦，係食Omakase一定要有嘅中拖羅，油脂感簡直係No.1！🤪🤪
北海道赤海膽壽司
由海膽壽司作結真係超級滿足，入口即溶，非常鮮甜，必食之選！😜
麵豉湯：
食完壽司，即刻飲返碗熱辣辣嘅麵豉湯。味道啱啱好，唔會太鹹。🍲
甜品：
京都宇治抹茶奶凍🍮
最後當然有甜品作結啦！好滑，入口即溶，抹茶加奶係絕配，甜度亦啱啱好！🥳🥳
張貼
