影片
更多
2020-06-07
108 瀏覽
男朋友出左新車之後🚗就成日都想遊車河🤣一齊揸去唔同既地方拍拖仔👫🏻難得放假就想揸去遠d既地方👀遠離煩囂👣比自己抖下💪🏻咁岩上次聽朋友講過呢間d海鮮幾新鮮👅就都直心思思💭今次就黎試下～入到去已經覺得d店員好有禮貌 值得一讚👏🏻佢一共有5個套餐揀 選擇都幾多下 👍🏻而我就揀左$198個套餐 男朋友就揀左$268個套餐 只係加多$70就有多3樣野 半隻龍蝦 半隻肉蟹 仲有紅棗杞子蟲草花蒸雞 都幾化算😈呢道地方都唔算好細 不過不失 但要提提大家 千奇唔好坐門口位 超 級 多 蚊！！！不過d店員都好細心會比枝蚊怕水你出去噴 噴完好好彩地又真係無比蚊咬過一啖🤓坐低無耐 店員就放低左2個温泉蛋比我地lu 流心温泉蛋 唔洗再自己加味 雖然係好普通既野食 但好好味架😋😋😋仲有熱辣辣既老火湯 真係好足料 完全唔似出面個d勁hea既味精湯🥰好快店員就幫我地倒曬d米同配料倒入鍋就可以開始蒸氣火鍋之旅喇～海鮮黎喇 勁吸精👀👀👀✨值得一讚既係未食已經見到d海鮮洗得好乾淨 👅怕自己唔識預時間 會蒸過龍既唔洗擔心！店入面已經有張野列得好清楚d各種海鮮所需既時間喇☺️勁細心呀救命🆘個蟲草雞真係好好味 平時唔太中意食雞既我
男朋友出左新車之後🚗就成日都想遊車河🤣一齊揸去唔同既地方拍拖仔👫🏻難得放假就想揸去遠d既地方👀遠離煩囂👣比自己抖下💪🏻咁岩上次聽朋友講過呢間d海鮮幾新鮮👅就都直心思思💭今次就黎試下～
入到去已經覺得d店員好有禮貌 值得一讚👏🏻佢一共有5個套餐揀 選擇都幾多下 👍🏻
而我就揀左$198個套餐 男朋友就揀左$268個套餐 只係加多$70就有多3樣野 半隻龍蝦 半隻肉蟹 仲有紅棗杞子蟲草花蒸雞 都幾化算😈
呢道地方都唔算好細 不過不失 但要提提大家 千奇唔好坐門口位 超 級 多 蚊！！！不過d店員都好細心會比枝蚊怕水你出去噴 噴完好好彩地又真係無比蚊咬過一啖🤓
坐低無耐 店員就放低左2個温泉蛋比我地lu 流心温泉蛋 唔洗再自己加味 雖然係好普通既野食 但好好味架😋😋😋
仲有熱辣辣既老火湯 真係好足料 完全唔似出面個d勁hea既味精湯🥰
好快店員就幫我地倒曬d米同配料倒入鍋就可以開始蒸氣火鍋之旅喇～
海鮮黎喇 勁吸精👀👀👀✨
值得一讚既係未食已經見到d海鮮洗得好乾淨 👅
怕自己唔識預時間 會蒸過龍既唔洗擔心！店入面已經有張野列得好清楚d各種海鮮所需既時間喇☺️勁細心呀救命🆘
個蟲草雞真係好好味 平時唔太中意食雞既我都偷食左男朋友3舊😆好滑好入味👍🏻✨
蒸好喇～～～只能說 本地生蠔鮮甜爽口 😚😚之後咬左啖龍蝦肉 ~果然係好新鮮 !!而肉蟹雖然唔係好大隻 但勝在多膏 不過如果下次可以大隻d就好lu 滿足下我呢個食肉獸😆
提提大家如果你地中意食辣 一定要試下佢地員工推薦既辣油 又香又辣 蒸完d海鮮再點埋個辣油 會加好多分！！唔好咁重手 因為真係好真材實料 好辣架🙈🌶但好正👄
開左個胃 拿拿林蒸埋其他海鮮食先 真係無令我失望 一粒沙都無架 omg 個蟶子同匙羹一樣長架🤟🏻d蜆粒粒都好肥 仲有海水留系佢地身體入面 一咬爆曬出黎💦超正！仲有隻蠔真係好大隻 到而加我都仲回味緊👅💦
另外出面仲有個自助式既蔬菜區 雖然款式唔多 但有我最中意食既栗米同蕃薯 夠曬🤣
蕃薯好好味呀🍠好甜 不過要比d耐性 要蒸耐d先熟透架 仲有粟米 🌽我食左6,7舊呀hahaha 食埋d金針菇同菜 個胃已經飽到7788嚕😈
食曬d菜 d粥就已經搞掂可以食得喇～一打開已經見到好大煲粥 入面係充滿曬你成晚食既所有食物既精華🥳不過 唔好期望太高🤪d粥真係無乜味 要靠豉油去吊味😂不過員工都好細心 比埋鹽同胡椒粉 真係幾細心☺️
最尾個有個精美甜品 大家估唔估到係咩呢🤣開估 係迷你雪米磁一粒 不過好過無啦🥳係我中意既味道呀 綠茶味🍵
呢餐食個好滿足 下次諗住帶埋屋企人黎 真係值得再黎 當然係要男朋友做柴可夫司機喇❤️
張貼
