醉胡爐 (已搬遷) 新店位置

終於約到朋友一齊黎試醉胡爐，離由尖沙咀站行左十幾分鐘就到，裝修幾有氣派，位又寬敞，已經好期待！為左慶祝朋友搵到工就豪一豪試佢嘅龍蝦湯底，好快就有人拎配料比我地整醬汁，然後就上鍋啦，十分有效率！鍋底超正，首先落左d牛油同酒炒香龍蝦同蜆，聞到都覺得好吸引。之後落埋龍蝦湯底，鮮味十足，趁落料前飲一飲湯，鮮味之餘又唔會膩或者太鹹，打邊爐都岩岩好！材料我地兩個女仔叫左少少都夠飽啦，有花雕醉滑牛（肉味同酒味濃，好野味）、西班牙黑毛豬豚肉（夠肉味，新鮮，薄薄地嘅）、鮮蝦帶子餃（高質餃，蝦爽口）、手打芝心牛丸（牛味濃厚、野味！），最後叫埋烏冬、薯粉岩岩好，吸收哂湯嘅精華