醉胡爐 (已搬遷) 新店位置

今日同朋友去到佐敦食椰子雞煲火鍋，呢間火鍋店地方夠大，而且職員服務態度又好，所以我地都好鐘意過黎呢邊打邊爐。我地叫左招牌鮮椰青雞鍋，湯底用左新鮮雞同埋大十個既鮮椰青，職員會幫手整個湯底，仲會加少少酒再點火，視覺效果好好！湯底煮滾左之後可以先飲湯，湯底超鮮甜，完全冇味精味，拍得住阿媽煲既靚湯。飲左啲湯之後，就可以放啲火鍋料落去煮啦。我地點左份黑松露蟹肉餃，煮一分鐘就食得，有勁香濃既黑松露味！仲有呢個勁邪惡既鹹蛋黃炸魚皮！仲有呢個擺得好靚既炸芋頭。