影片
更多
2022-04-16
51 瀏覽
今天係第三次黎食啦～鋪頭擴張完大咗好多，坐得幾舒服。呢度最出名嘅一定係雞飯，我地試晒海南雞同走地雞，前者雞肉滑嫩皮，後者偏向有咬口， 兩者都好值得試！招牌海南雞+雞雜冬瓜湯 （$70）海南雞已經去骨，食落啖啖肉，雞肉鮮嫩而且有彈性，配上薑蓉、酸辣汁、黑醬油呢三種醬，真係不得了😋其實最有驚喜係個油飯，粒粒分明而且吸晒雞油精華充滿飯香，唔會有油膩感，真係食到停唔到🤣冬瓜湯清清地唔會太油膩，入面有雞腎雞肝，都幾足料。芽菜走地雞飯+白胡椒肉骨茶 （$78+$10）走地雞肉質偏向結實有咬口，但絕對唔會咬唔開，而且雞味會濃多少少。底墊咗啲芽菜，肥嘟嘟嘅芽菜爽口又入味。肉骨茶湯底係比較清淡易入口，白胡椒味重但唔會搶鼻。排骨燉至鬆軟入味，飲完全身暖笠笠。鮮油咖央多士🍞 （$18）多士烘得好脆，塊鮮牛油超厚同夠晒冰凍，配埋咖央醬，味道鹹鹹甜甜，幾特別！Susan雞翼🐥 （$22）大大隻卜卜脆，雞翼醃製得好入味，但略嫌炸得偏乾身。餐廳細心地剪開雞翼同雞鎚，食起上嚟方便好多👍🏻參巴醬通菜（走辣）（$20）茶身好令身，偏油同爽口。熱檸檬薏米水 （跟餐）最欣賞佢甜度適中，酸酸甜甜好開胃❤️
招牌海南雞+雞雜冬瓜湯 （$70）
海南雞已經去骨，食落啖啖肉，雞肉鮮嫩而且有彈性，配上薑蓉、酸辣汁、黑醬油呢三種醬，真係不得了😋
其實最有驚喜係個油飯，粒粒分明而且吸晒雞油精華充滿飯香，唔會有油膩感，真係食到停唔到🤣
冬瓜湯清清地唔會太油膩，入面有雞腎雞肝，都幾足料。
芽菜走地雞飯+白胡椒肉骨茶 （$78+$10）
走地雞肉質偏向結實有咬口，但絕對唔會咬唔開，而且雞味會濃多少少。底墊咗啲芽菜，肥嘟嘟嘅芽菜爽口又入味。
肉骨茶湯底係比較清淡易入口，白胡椒味重但唔會搶鼻。排骨燉至鬆軟入味，飲完全身暖笠笠。
鮮油咖央多士🍞 （$18）
多士烘得好脆，塊鮮牛油超厚同夠晒冰凍，配埋咖央醬，味道鹹鹹甜甜，幾特別！
Susan雞翼🐥 （$22）
大大隻卜卜脆，雞翼醃製得好入味，但略嫌炸得偏乾身。餐廳細心地剪開雞翼同雞鎚，食起上嚟方便好多👍🏻
參巴醬通菜（走辣）（$20）
茶身好令身，偏油同爽口。
熱檸檬薏米水 （跟餐）
最欣賞佢甜度適中，酸酸甜甜好開胃❤️
張貼
