影片
更多
2022-12-25
502 瀏覽
就黎聖誕特登book左《鮨宏》去食好野，主要都係經朋友介紹，提早book定，因為餐廳只做一轉午市同一轉晚市，有時午市會做多一轉，餐廳位置係炮台山，佢哋主要都係做開回頭客，一共只有12個座位同一個師傅由12點開場就做到尾，講真係香港食過咁多間omakase 呢一間暫時都係心目中最愛！因為比較加分既係食材個新鮮度同另一方面同師傅既交流，食足兩個半鐘無冷場，不停抄熟個氣氛同share好多食物既資料同煮法比我地知，另一方面食材上無落好多其他調味，喺熟食方面主要都係同蔬菜汁烹飪以成，食落已經驚為天人，係壽司同刺身都就係落左少少豉油，已經好好味！好多準備功夫都係提前一日準備，當日亦都要提前三個鐘準備，真係好有心機最為特別係鮟鱇魚肝我都食得唔少，真係無食過一次係唔洗落酸汁就已經係好鮮甜，唔講真係以為佢係咪落左糖！講咗咁多正式開始講吓我食咗啲咩🤣福 Lunch Omakase $880Salad芝麻豆腐係一個日本傳統住家菜，其實冇用過任何豆類，但係食落係豆腐既質感，一開頭用咗芝麻炒香，再整做慕絲狀等去煎成形，外層鬆脆一咬開好重芝麻味，一開始已有驚喜！北海道象拔蚌同平時食開加拿大象拔蚌好唔同，用左黃色嘅
最為特別係鮟鱇魚肝我都食得唔少，真係無食過一次係唔洗落酸汁就已經係好鮮甜，唔講真係以為佢係咪落左糖！講咗咁多正式開始講吓我食咗啲咩🤣
福 Lunch Omakase $880
Salad
芝麻豆腐
係一個日本傳統住家菜，其實冇用過任何豆類，但係食落係豆腐既質感，一開頭用咗芝麻炒香，再整做慕絲狀等去煎成形，外層鬆脆一咬開好重芝麻味，一開始已有驚喜！
北海道象拔蚌
同平時食開加拿大象拔蚌好唔同，用左黃色嘅柿葉做裝飾，柿葉呢個季節會由綠變黃，北海道象拔蚌比較細條，質素同口感都會比較好，更鮮甜彈牙，一試難忘！
鮟鱇魚肝
鮟鱇魚肝通常都係多多少少帶腥配上酸汁食用，今次食既中間有橙色來自北海道，係昆布同埋蔬菜汁過晚，之後加上Wasabi直接食用一入口就溶，無比鮮美
麵鼓燒生蠔
呢個蠔本身比較creamy燒完就爽身，加了麵豉醬北海道嘅黃金武士蠔燒到五成熟，直接生食或加上魚子海膽就食得多，不過今次就多左心思，半生熟加甜麵鼓令味道更上一層樓！無左鐵銹味！
櫻煮八爪魚
呢條八爪魚不得了產自日本瀨戶，師傅整整用了一小時按摩加上三小時煮，放咗茶葉去煮，因為發酵醬汁呈現酒紅色，去頭去尾，每個人都係得2小塊，最好最軟腍部位，要一口食下，個口感神奇如五花肉！
磯煮鮑魚配肝醬飯
鮑魚又是前一日就做準備，加上蔬菜烹煮再放過夜，係飯就加問鮑魚嘅肝整成醬汁，最後用金蓮葉修飾，先食鮑魚再食飯最後食金蓮葉清一下口！
禾稈草燒鯖魚
招牌之⼀，師傳用鐵叉住鯖魚然後用禾稈草去燒，燒完用紫菜一包就可食用，肉感同熟感控制得好好👍鮮味十足！
茶碗蒸
非常軟順的茶碗蒸，上面加了小蝦米
看落平平無奇，其實要做得好都好難
壽司
真鯛立魚-外表為淡紅肉質鮮美, 白身魚肉，肉質爽口, 煙韌有咬口，又有少少甘甜，油份都係皮到要燒一燒去迫出油分
活赤貝-外表呈橙紅色有光澤，肉質爽厚
鰤魚 肉質入口就細嫩慢慢溶片好鮮嫩油脂高，油脂豐腴
地金目鯛 係專門漁師一條一條釣獲的金目鯛
，放血放得比較清，口感上較結實，腥味比較少。火炙過到焦香迫出魚脂味！
北海道活帶子 師傅刀工好好，第一次食切到咁多，加感酸柑汁，去腥提鮮，都係有做一下熟妹，食落起膠，好特別
大拖羅 骨腩部位，肉呈現粉紅色，油脂豐富
大拖羅 用左稀有蛇腹部分油脂較多呈現雪花紋加上熟成12日，完全入口即溶。
海膽壽司
好滿足，因為一共有二款北海道嘅海膽，味道超級清甜，
玉子燒 內餡加入左魚肉，上面放左焦燒，好似布丁一樣咁彈牙。
甜品
最開心係甜品一共有三款，分別係藍梅芝士蛋糕、宇治抹茶布丁同埋柚子果凍。sing食芝士蛋糕之後食柚子果凍，最後再食宇治抹茶布丁，口感同味道上有一個過度，先酸甜，再清新酸甜微帶苦澀的柚子，最後再有抹茶味，每個人都全部食晒！
如果唔想錯過其他好介紹，記得follow我呀😘
多謝大家！！！
♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝♡⃝ ⃝♡⃝♡⃝♡⃝♡⃝♡⃝
張貼
