響 - Hibiki 日本燒肉 (已結業)

好耐無食過放題，已經唔知道邊間放題好。係openrice見到呢間放題係最受歡迎既，所以就同朋友去試下。餐廳裝修都落左好多心機，門口棵櫻花樹已經好友日式氣氛，再擡頭望見到一排排既鏡開。一向下就見到Movenpick既雪糕櫃，可以任食Movenpick呀，成個人超興奮!!!餐廳基本上係坐滿既，所以都要等一陣先入得。一入座就會送一盤刺身、海鮮拼盤同燒肉一盤。刺身拼盤超豐富，有八種刺身，當中仲有海膽，而且份量一d都唔少！海膽入口香滑，味道濃郁，完全估唔到放題可以食到呢種質素。甜蝦鮮甜，而且蝦身非常爽口。帶子亦唔會好似一般放題咁有雪藏味。海鮮拼盤係超大碟，而且唔係平價果類好細隻既海鮮，每隻海鮮都大過我既手掌，而且都係好新鮮，食得出係靚野。燒肉拼盤好貼心咁標註晒係咩肉打咩肉，首推澳洲和牛西冷，牛肉味重，而且好滑。其餘都好食的，只係澳洲和牛西冷太驚人。呢碟都係一入座就送既，手羽係超正，調味調得超好，黑椒味完全入晒雞翼度，雞肉又超嫩滑。飲品除左一般果汁汽水外，仲有紅白清酒同花茶，超正。食完仲可以再叫，食物選擇亦好多，而且非常高質素。呢間放題完全顛覆左我對放題既睇法，食完就即刻好想再黎一次>.&