Wagyu Ya (已結業)

好耐無食燒肉啦😥😥今次黎到呢間係尖沙咀新開既日式燒肉 主打鹿兒島和牛燒肉 餐廳雖然唔係話好大 但勁有日式feel 😍😍呢到既食物價錢整體黎講偏高 但牛肉非常高質 同係日本食到既和牛燒肉差唔多 可以當做去左轉日本食燒肉先😁餐廳食物選擇唔係話好多 我地分別叫左個肉食者牛肉拼盤同一個鵝肝和牛丼 一開始我地仲驚會食唔飽 但食落都幾油膩 好易就濟左haha肉食者拼盤分別有四款牛肉 包括牛舌 肩胛西冷同肉眼 每款肉類有三片 西冷同肉眼油脂分布均勻 個人比較鐘意食較多油脂既肉眼 入口即溶 非常juicy 燒果陣見到好多油份bit出黎 食一舊已經好滿足 😍另外值得一讚係佢既厚切牛舌 非常有口感 沾上燒汁更加突出至於鵝肝和牛丼份量非常慷慨 反而係肉多飯少 鵝肝都幾大舊 有三份之二個手掌咁大 鵝肝燒得剛剛好 表面有少少焦幾香脆 牛肉都非常滑嫩 撈埋滿滿既燒汁 好快就食哂！