響 - Hibiki 日本燒肉 (已結業)

又嚟同事gathering啦 之前已經食過呢間位於佐敦嘅響一次 係食日式燒肉放題嘅 雖然價錢去到$3xx/位 係高價嘅燒肉放題 不過質素都對得住個價錢好在book咗位 夜晚六點嚟到已經全場爆滿 被安排咗去四人座位 坐得幾舒服 而且抽煙系統非常好 唔覺得有油煙味首先預設會有一盤海鮮 刺身拼盤同埋燒肉拼盤 然後就可以自由點菜海鮮有巨型阿根廷紅蝦 輕輕燒一下已經食得 肉質非常鮮甜而且仲有蝦膏 巨型扇貝 上面有牛油 一燒起非常多汁 食落鮮甜無比 長腳蟹肉質鮮甜 不過燒完有啲乾身刺身拼盤有新鮮生蠔 半板海膽 油甘魚 三文魚 八爪魚等等 生蠔肥美飽滿感覺新鮮 海膽甘甜重配上紫菜食好正 其他刺身都唔錯主角燒肉拼盤款式幾多 仲有和牛食添 和牛厚切非常肥美 油份十足 而且有牛肉味 重點係可以無限追加咁貴嘅價錢梗係可以有清酒 紅白酒任飲啦 雪糕係Haagen Dazs同 movenpick任食