影片
更多
2022-01-03
200 瀏覽
廚師發板的前菜往往都有驚喜，左邊起喺醃製的白飯魚，柚子的清新配合洋蔥的微微刺激感，食落白飯魚一啲腥味都沒有，非常醒胃。仲有蘿蔔漬係中間，右邊嘅白芝麻芝士，芝麻味非常充足。牆上有獨特開運擺設，老闆專程係日本求翻嚟，好有心思第一碟壽司右面喺左口魚邊包住磯蔥，左口魚嘅肥美隨住舌尖嘅觸碰衝擊住口腔。左面喺魴鮄魚刺身，師傅耐心地講解建議要食咗先，因為味道偏清淡。刺身均可以直接食，配上鼓油同芥末雙重調味，旁邊仲有有啲紫蘇花，口感豐富，層次分明。第二碟喺鱈魚白子，上面放咗博多蔥、蘿蔔容，經過特別處理後，蘿蔔容酸酸地係好清，亦無蓋過白子嘅海水鮮味，可供食用，完全唔洗放芥末同鼓油去調味。第三碟喺日本兵庫縣直送嘅極上室津生蠔，日本嘅生蠔素來海水味都唔重，但蠔味非常澎湃，口感奶滑爽口，質感肥美腍滑，係值得推介。第四碟喺帆立貝，入口即溶，面頭灑上靜岡黃柚子皮，既可以原汁原味食，食出陣鮮甜味，亦可以伴隨芥末食，另有一番唔同嘅風味。第五碟喺北寄貝配青檸汁，爽口北寄貝於口腔內衝擊住每一個味蕾，微微嘅海水味久久不散，與酸酸嘅青檸味互相輝映，北寄貝彈滑嘅質感更是靈魂所在，就好似去咗日本漁市場咁樣。第六碟喺梳子魚，魚皮係
廚師發板的前菜往往都有驚喜，左邊起喺醃製的白飯魚，柚子的清新配合洋蔥的微微刺激感，食落白飯魚一啲腥味都沒有，非常醒胃。仲有蘿蔔漬係中間，右邊嘅白芝麻芝士，芝麻味非常充足。
牆上有獨特開運擺設，老闆專程係日本求翻嚟，好有心思
第一碟壽司右面喺左口魚邊包住磯蔥，左口魚嘅肥美隨住舌尖嘅觸碰衝擊住口腔。左面喺魴鮄魚刺身，師傅耐心地講解建議要食咗先，因為味道偏清淡。刺身均可以直接食，配上鼓油同芥末雙重調味，旁邊仲有有啲紫蘇花，口感豐富，層次分明。
第二碟喺鱈魚白子，上面放咗博多蔥、蘿蔔容，經過特別處理後，蘿蔔容酸酸地係好清，亦無蓋過白子嘅海水鮮味，可供食用，完全唔洗放芥末同鼓油去調味。
第三碟喺日本兵庫縣直送嘅極上室津生蠔，日本嘅生蠔素來海水味都唔重，但蠔味非常澎湃，口感奶滑爽口，質感肥美腍滑，係值得推介。
第四碟喺帆立貝，入口即溶，面頭灑上靜岡黃柚子皮，既可以原汁原味食，食出陣鮮甜味，亦可以伴隨芥末食，另有一番唔同嘅風味。
第五碟喺北寄貝配青檸汁，爽口北寄貝於口腔內衝擊住每一個味蕾，微微嘅海水味久久不散，與酸酸嘅青檸味互相輝映，北寄貝彈滑嘅質感更是靈魂所在，就好似去咗日本漁市場咁樣。
第六碟喺梳子魚，魚皮係師傅用心火炙後，形成表面熟而入面仲係軟身嘅感覺，猛火迫出梳子魚油的油份，入口後油脂馬上化開，係人間嘅享受。
第七碟喺時令秋刀魚，頭兩片刺身喺比較肥美嘅腩位，師傅亦喺後面尾位輕輕燒過，香味迷人，伴隨菊花一起吃，滿足視覺同味覺嘅享受。
第八碟喺鮮甜紅艷的中吞拿魚，本身刺身已經非常有口感，師傅用心咁放咗紫蘇葉係入面，因刺身偏寒涼，紫蘇葉有助散寒，非常細心。
第九碟師傅將蛋漿包住泰刀魚去煮，中間夾住海苔，落足心思，食埋啲獻汁，正因為選料上乘同足料，獻汁絕對無果種好水嘅感覺，仲可以配上紅椒絲一齊食。
第十碟同第十一碟非別係喺金目鯛同深海池魚，魚身順滑而且肉質彈牙，殿堂級嘅刺身從來都係比食材的質素。欣賞呢度選取嘅高級食材，而且深海池魚無咩腥味。
第十二碟喺香箱蟹，每年11月開始，就喺食香箱蟹的季節，聽師傅講可以食足一個月！師傅今次用咗蟹膏同柚子皮拌勻，每一啖都食到濃濃嘅蟹膏，可見餐廳用料上乘。
第十三碟喺馬糞海膽壽司，海膽喺不可抗拒的美食，上面灑咗竹碳鹽，鮮甜香滑盡在口中。
最後一碟喺當造嘅北海道牡丹蝦，上面放上蟹膏、蝦子，口感豐富，值得推介。
張貼
