影片
更多
2021-09-10
138 瀏覽
牛大人台灣火鍋一向好高人氣，佢哋嘅火鍋吃到飽有3款套餐，任食兩小時。一場嚟到就揀咗最貴嘅澳洲極上和牛套餐 $298 (19:30前離座)，任食幾十款食物及自助火鍋配料吧。.🥣 湯底有10款湯底選擇，揀咗台中蒜頭雞鍋，湯底有半隻鮮雞，再加上生蒜頭及炸蒜頭燉煮，味道香濃。.🐮 牛類呢個套餐有7款牛肉，試咗幾款肉質都算新鮮。主攻嘅一定係澳洲和牛M5牛肩卷，油脂分布均勻，肉質幼嫩富油脂香。安格斯特選牛板腱及手切封門柳都唔錯，肉質軟腍，而牛小排就牛味最濃。除咗牛肉外，仲有秘制牛筋牛肚，都滷得幾入味。.🐷 豬類豬肉有3款，西班牙豬梅花肉肥瘦適中，口感軟腍油潤。.🐑 羊類、🐔 雞類有紐西蘭羊肉卷及花雕酒雞件兩款，不過主攻牛肉已經好飽，最後都無試到！.🦐 海鮮海鮮有魚蝦貝類等，推介海蝦肉質新鮮爽彈，沙白鮮甜冇沙。.👅 台灣直送美食私房鴨血絕對係必食之選，非常嫩滑入味。另外仲有手作餃子、海鮮漿，豬血糕、鯛魚片等，選擇都算豐富。推介蟹籽墨汁漿，彈牙鮮味，粒粒蟹籽更有咬口。.🍢 台灣夜市小吃夜市小吃款式有滷牛肉飯、梅甘酥脆薯、鹽酥雞、甜不辣、皮蛋豆腐、小香腸等，口味地道。無得去台灣旅行，喺香港食到都唔錯。.
牛大人台灣火鍋一向好高人氣，佢哋嘅火鍋吃到飽有3款套餐，任食兩小時。一場嚟到就揀咗最貴嘅澳洲極上和牛套餐 $298 (19:30前離座)，任食幾十款食物及自助火鍋配料吧。
.
🥣 湯底
有10款湯底選擇，揀咗台中蒜頭雞鍋，湯底有半隻鮮雞，再加上生蒜頭及炸蒜頭燉煮，味道香濃。
.
🐮 牛類
呢個套餐有7款牛肉，試咗幾款肉質都算新鮮。主攻嘅一定係澳洲和牛M5牛肩卷，油脂分布均勻，肉質幼嫩富油脂香。安格斯特選牛板腱及手切封門柳都唔錯，肉質軟腍，而牛小排就牛味最濃。除咗牛肉外，仲有秘制牛筋牛肚，都滷得幾入味。
.
🐷 豬類
豬肉有3款，西班牙豬梅花肉肥瘦適中，口感軟腍油潤。
.
🐑 羊類、🐔 雞類
有紐西蘭羊肉卷及花雕酒雞件兩款，不過主攻牛肉已經好飽，最後都無試到！
.
🦐 海鮮
海鮮有魚蝦貝類等，推介海蝦肉質新鮮爽彈，沙白鮮甜冇沙。
.
👅 台灣直送美食
私房鴨血絕對係必食之選，非常嫩滑入味。另外仲有手作餃子、海鮮漿，豬血糕、鯛魚片等，選擇都算豐富。推介蟹籽墨汁漿，彈牙鮮味，粒粒蟹籽更有咬口。
.
🍢 台灣夜市小吃
夜市小吃款式有滷牛肉飯、梅甘酥脆薯、鹽酥雞、甜不辣、皮蛋豆腐、小香腸等，口味地道。無得去台灣旅行，喺香港食到都唔錯。
.
🥬 自助火鍋配料吧
自助區有多款蔬菜、丸類、麵食、素食類等，非常豐富。醬料區同樣非常齊全，可以混返個自己喜好嘅醬來蘸火鍋配料食。
.
🍹 飲品
飲品除咗有多款紙包及罐裝飲品之外，必試佢哋嘅自家製冷泡茶，味道天然，消滯解渴。仲可以試吓富台灣風味嘅冬瓜茶及烏梅汁，解膩又下火。
.
🍨 甜品
甜品有movenpick雪糕及仙草凍，QQ嘅仙草凍配上紅豆花生椰果，口感豐富。
.
總括而言：餐廳環境寬敞，坐得幾舒服。食物選擇多而且質素唔錯，上菜速度好快，服務都幾好，係好飽足嘅一餐！
張貼
