阿叔泰麵 (西菁街) (已結業)

元朗有好多美食小店， 搵下搵下嚟咗呢間「阿叔泰麵」。好彩今晚唔使排隊就入到去喇，都坐滿人。而店舖裝修都好泰式，背景播著泰文歌，環境企理新淨。呢間麵鋪主打係熬製十二小時湯底的經典泰國船麵，亦有咖喱飯、豬手飯等等。一場嚟到，梗係試一試佢個招牌船麵。 我同朋友分別揀咗牛肉船麵和豬肉船麵。 牛肉船麵是的湯底是熬製十二小時的牛骨湯底，配上牛腩、牛丸、通菜、芽菜等等。蛋麵是粗麵，口感爽彈。牛骨湯底香濃，不會死咸，而牛腩都算淋，牛丸也很彈牙，值得一讚！豬肉船麵的湯底是熬製十二小時的牛骨湯底，配上豬肉片、豬肉丸、通菜、芽菜等等。比較之下，牛肉船麵的味道較香濃一點。另外叫了泰式奶茶和泰式綠奶茶，茶味和奶味很重，但甜度不是很濃，入口不會苦澀。阿叔泰麵價錢方面都非常平民，食物質素不錯，十分推介。